“გახარია საქართველოსთვის” 3 ოპოზიციური პარტიის მიერ 4 ნოემბერს, რუსთაველის გამზირზე დაგეგმილ საპროტესტო აქციას შეუერთდება – ამის შესახებ ყოფილი პრემიერის გუნდის წევრმა, ნათია მეზვრიშვილმა განაცხადა და აღნიშნა, რომ აქციაზე დგომა მათივე ამომრჩევლის დაკვეთა არის.
“სრული პასუხისმგებლობით ვაცხადებ, რომ ჩვენ როგორც შეგვიძლია, ოპოზიციას ვეხმარებით, მათ შორის, ვეხმარებით იმ მტკიცებულებებით, რომელიც ჩვენმა საარჩევნო გუნდმა მოიპოვა. ჩვენ ვიქნებით ყველგან, სადაც ჩვენი ამომრჩეველი იქნება, სადაც ჩვენი ამომრჩეველი ჩათვლის, რომ საჭიროა ყოფნა ხმების დაცვისთვის და იმისთვის, რომ მოპარული ხმები უკან დავაბრუნოთ. ეს არის ახლა ჩვენი პირველი ამოცანა. სიმართლე გითხრათ, არ მგონია, რომ ჩვენი ამომრჩეველი კარავში შევიდეს, მაგრამ თუ ჩვენი ამომრჩეველი გადაწყვეტს, რომ ჩვენ აქციებზე უნდა ვიყოთ, ჩვენ ბუნებრივია , შევასრულებთ ჩვენი ამომრჩევლის დაკვეთას. ასე იყო წინა აქციაზეც.
მიუხედავად იმისა, რომ რაღაც დეტალებში შეიძლება რაღაც განსხვავებული იყოს, ჩვენ ასევე ძალიან მნიშვნელოვანი ხაზი გვაქვს, რომელსაც მივყვებით და არ ვაპირებთ გადავუხვიოთ.
მე არა მგონია, რომ გადამწყვეტი მნიშვნელობა ჰქონდეს და რაღაცა იდეაფიქსი იყოს ვიღაცა სცენაზე იდგება პარტიიდან, თუ არ იდგება. კიდევ ერთხელ ვამბობ, მაქსიმალურ ამ პროცესს ვეხმარებით, სხვა ოპოზიციურ პარტიებს ვეხმარებით, მათ შორის, ძალიან მნიშვნელოვან მტკიცებულებების მიწოდებით. გუშინ, მაგალითად შეხვედრა იყო და ვიმყოფებოდი საღამოს შეხვედრაზეც და მტკიცებულებების შეგროვებასთან დაკავშირებული შეხვედრა იყო და ამ შეხვედრაშიც ჩვენი წარმომადგენელი მონაწილეობას იღებდა და კიდევ ერთხელ ვამბობ, აქციებშიც ჩვენ მონაწილეობას მივიღებთ, იმიტომ, რომ ჩვენი ამომრჩევლის დაკვეთა არის ეს”, – ამბობს ნათია მეზვრიშვილი.
4 ნოემბერი, 19:00 საათი – ოპოზიცია საპროტესტო აქციებს იწყებს.
კომენტარები