“როგორ აქციეს სპორტი ხალხის და@@@@ების უმთავრეს იარაღად” – სანდრო ბრეგაძე

— დიქტატორმა ფრანკომ , რომელსაც კატალონიელები,ბასკები,გალისიელები,ანდალუსიელები ებრძოდნენ, ეომებოდნენ და ესპანეთის იმპერიისგან გათავისუფლებას ითხოვდნენ – მათი რეალური ბრძოლა მარტივი ხერხით გააჩერა . კატალონიელთა უკომპრომისო ბრძოლა დამოუკიდებლობის მოსაპოვებლად გენერალმა ფრანკომ დაიყვანა ფეხბურთის მინდვრამდე, ბარსელონას მიერ რეალის კარში გატანილ გოლამდე . მთელი წელი კატალონია ელოდება ელ კლასიკოს და თუ საფეხბურთო მინდორზე ბარსელონელებმა დაამარცხეს კასტილიელები – ეს ყოფილა კატალონიელთა ეროვნული გამარჯვება და აქ ჩერდება კატალონიელთა ამბიცია დამოუკიდებლობაზ , აი თუ ვინმე ხმას ამოიღებს და პოლიტიკურ განცხადებას გააკეთებს კატალონიის თავისუფლებაზე – კი ვიცით რა დღეს დამართებენ , რას უზამენ – სავსეა მადრიდის ციხე დამოუკიდებლობის მომხრე კატალონიელი პარლამენტარებით

ანალოგიურადაა შოტლანდიაში – სადაც შოტლანდიის დამოუკიდებლობისთვის ბრძოლა სელტიკი – რეინჯერსის შერკინებამდე დაიყვანეს . პროტესტანტები და კათოლიკები , შოტლანდიელები და ბრიტანეთის იმპერიის მომხრეები საფეხბურთო მინდორზე შეაბრძოლეს ერთმანეთს. მთელი შოტლანდია ბედნიერი დადის თუ სელტიკმა მოიგო და ვიღას ახსოვს თავისუფლებისთვის ბრძოლა ? უილიამ ვოლოსის შთამომავალთა მიერ დაწყებული განმათავისუფლებელი ომი რეინჯერსის კარში გატანილ გოლში გაიცვალა

არგენტინის ხუნტის ჯალათმა , მკვლელმა , სადისტმა , მანიაკმა და სამხედრო დიქტატორმა ხორხე რაფაელ ვიდალა რედონდომ , მხოლოდ იმის გამო შეინარჩუნა კიდევ 5 წელი ძალაუფლება , რომ 1978 წელს მსოფლიოს ჩემპიონატი ჩაატარა და ის არგენტინის ნაკრებმა მოიგო. ვიდალ- რედონდო 2010 წელს კაცობრიობის წინააღმდეგ ჩადენილი დანაშაულისთვის გაასამართლეს და სამუდამო პატიმრობა მიუსაჯეს

ხრუშოვის დროს საბჭოთა იმპერიის ნაკრებმა ევროპის ჩემპიონატი მოიგო. სსრკ ჩემპიონატიც დაახლოებით ფრანკოს იდეის არსს წარმოადგენდა – თუ მოუგებდა თბილისის დინამო მოსკოვის სპარტაკს ან ცსკა-ს ჩვენზე ბედნიერი არავინ იყო , რადგან მხოლოდ ფეხბურთში იყო დატოვებული ეროვნული ბრძოლის შესაძლებლობა, რომელიც დინამოს სტადიონის მოედანზევე მთავრდებოდა

ასევეა სხვა იმპერიებში (მაგ.ბასკეთში ბილბაო -რეალი) , დიქტატორ პინოჩეტის დროს ჩილეს ნაკრები და ასე შემდეგ . სამწუხაროა რომ სპორტი და ფეხბურთი გაჭირვებული ხალხის და დაპყრობილი ერების დამონების მთავარ იარაღადაა ქცეული , ის დიქტატორების , მაფიოზების , ქურდების , მკვლელების ხელში ხალხის დაშტერების – გამოდებილების უმთავრესი ფაქტორია , რომელიც ადამიანების ჩაგვრის გამართლების იარაღადაა ქცეული ჩვენს ხარჯზე გამდიდრებული მილიარდელების ხელში