“ივანიშვილმა გასაგებად გვითხრა რას აპირებს” – ხერხეულიძე

ჩემი აზრით, გორბის კვლევას “არ მგონია სათანადოდ ვაფასებდეთ.

ადამიანმა, რომელმაც მთელი სახელმწიფო და არაფორმალური ძალოვანი სტრუქტურები ერთ მუჭაში მოაქცია, გასაგებად გვითხრა რას აპირებს – დაწერს იმას, რაც “გორბის” გრაფიკულ მონაცემშია ასახული. (მცირე კორექტირებას მნიშვნელობა არ აქვს).

დღეს თუ რამეს უნდა აკეთებდეს ოპოზიცია, ყველა გზას უნდა ეძებდეს ერთმანეთთან დასაკავშირებლად. მინიმუმ, არჩეცნების შედეგების გამოცხადების წუთიდან ერთიანი სამოქმედო გეგმის მშვიდობიანი წინააღმდეგობის ფრონტი უკვე უნდა იქმნებოდეს. მიუხედავად არჩევნებზე გასასვლელი ფრაგმენტირებული უკვე არსებული მოცემულობისა, წინააღმდეგობის ერთიანი კოორდინაციის ცენტრის შექმნა უნდა შევძლოთ.

ივანიშვილს ყველაფერზე შეიძლება დასცინო, მაგრამ უკვე მერამდენედ გვანახა,რომ ციფრებთან თამაში არ არის მისი სუსტი მხარე. ჩვენზე უკეთ იცის რეალურად რამდენი პროცენტი აქვს “ქართულ ოცნებას”, მაგრამ ასევე კარგად იცის რამდენი პროცენტია შანსი მის წინააღმდეგ ოპოზიციის გასაერთიანებლად.

რთულია ერთმანეთთან მისასვლელი გზების პოვნა, არც ჩემთვისაა მარტივი, იმ უბრალო მიზეზის გამო, რომ ზედმეტად კარგად ვიცნობ თითოეულ მათგანს, მაგრამ რუსეთის პირისპირ მხოლოდ ანგელოზად მეჩვენება ყველა ერთად და ცალ-ცალკე.

პესიმიზმის საფუძველი არ გვაქვს, ხალხმა დაგვანახა საკუთარი არჩევანი და დამფრთხალმა მოწინააღმდეგემაც კარგად იცის უმცირესობის ნაწილად რომ იქცა.

ახლა მთავარია, ოპოზიციამ შეძლოს უმრავლესობის ნების დაცვა და ეს როგორ უნდა მოვახერხოთ, მხოლოდ ამაზე ფიქრი მგონია რაციონალური.

ციფრებს დაწერს. ჩვენ თავზე გადავახევთ თუ არა ქართველი ხალხის გაბითურების მცდელობას, ეს არის საფიქრალი.