“ბოდიშს ვუხდი ჩემ საქმეზე დაზარალებულ ბუბა ჩივაძეს” – ადვოკატის წერილი

მინდა გულითადი მადლობა გადავუხადო ყველა იმ ადამიანს, რომელმაც გულთან მიიტანა ჩემი მდგომარეობა.

ყველას მოგეხსენებათ, რომ თვეზე მეტია ვიმყოფები პენიტენციურ დაწესებულებაში, მართალია არსებობს გამონათქვამი ,,რაც არ გკლავს გაძლიერებს” აქ გატარებულმა თითოეულმა გატარებულმა წუთმა ბევრი რამ სწორად შემაფასებინა.

ამბობენ, რომ ღმერთი განსაცდელს ტყუილად არ მოგივლენსო, ალბათ რასაც ახლა გავდივარ, ყოველი ეს დღე აუცილებლად უნდა გამევლო, რადგან ბევრი რამისათვის შემეხედა სხვა თვალით და გამეკეთებინა სწორი შეფასება! ამიტო მინდა რამოდენიმე გულწრფელი წინადადებით მოგმართოთ:

…

ბოდიშს ვუხდი ჩემ საქმეზე დაზარალებულ სერგო (ბუბა) ჩივაძეს, რომელიც ჩემი დიდიხნის მეგობარია და ჩემი შვილის ნათლიაა, ნამდვილად ვწუხვარ, რომ ვერ შევძელით ურთიერთობის გაფრთხილება.

მინდა განსაკუთრებული მადლობა გადავუხადო ჩემს მეგობრებს, რომლებიც არ მტოვებენ ამ მძიმე განსაცდელის ჟამს, ბოდიშს ვუხდი მათ, რომ საკმაოდ უსიამოვნო პროცედურების გავლა უწევთ შექმნილი ვითარების გამო, რამაც ჩირქი მოსცხო მათ მრავალწლიან საქმიანობას.

მსურს მოგახსენოთ, რომ ბოდიშის მოხდა და რიგი შეცდომების გააზრება არ მიმაჩნია სირცხვილად, ამიტომ აღარასოდეს გავაგრძელებ ბრძოლას იმავე მეთოდებით, თუმცა გავაგრძელებ ბრძოლას თითოეული თქვენგანის უფლებების დასაცავად კანონის ფარგლებში, მას შემდეგ რაც თავისუფალი ვიქნები.

მადლობა ყველა ჩემს კლიენტს გამოჩენილი ადამიანობისა და მოთმინებისათვის, განსაკუთრებით მადლობა ჩემს ოჯახს: ცოლს, შვილებსა და ძმას, მადლობა თქვენ გამძლეობისა და გვერდში დგომისათვის, რადგან დაგტოვეთ ფაქტობრივბად უმწეო მდგომარეობაში.