ქართული ოცნების გენერალური მდივანი, კახა კალაძე, ევროპარლამენტართა რეზოლუციას ეხმაურება და სპეციალურ ბრიფინგზე, ფურცლებიდან, რომლებიც თან მიიტანა, კითხულობს:
სამარცხვინო რეზოლუციის ავტორებმა ივანიშვილის დასანქცირება მოითხოვეს, ადამიანის, რომელმაც საკუთარი სიცოცხლის ფასად აგენტი კრიმინალების ბანდას გამოსტაცა ეს ქვეყანა ხელიდან და განადგურებას გადაარჩინა, ევროპარლამენტარები ითხოვენ იმ ადამიანის დასანქცირებას, რომელმაც ჩვენი ქვეყნის კულტურა და სულიერება საკუთარი უპრეცედენტო ქვცელმოქმედებით გადაარჩინა და ისეთ დემოკრატიას ჩაუყარა საფუძველი, სადაც ადამიანის უფლებები, სიტყვისა და გამოხატვის უფლებები უმაღლეს დონეზეა დაცული.
როდის აპირებს, ქართული ოცნება, საქართველოს ისტორიის წიგნებში, ქვეყნის ამდენსაუკუნოვანი სულიერების გადამრჩენელად ბიძინა ივანიშვილი ჩაწეროს, ამაზე კალაძის ფურცლებში, როგორც ჩანს, არაფერი ეწერა, თორემ, აუცილებლად წაიკითხავდა.
კომენტარები