პასუხი ამ საბოტაჟზე და უზრდელობაზე ერთია – პრეზიდენტი მთავრობას

საქართველოს პრეზიდენტი, სალომე ზურაბიშვილი:

დღეს უკვე ყველაფრი ნათელია, ოცნებამ თავისი განაცხადი მკაფიოდ გააკეთა, ევროპას უთხრა – არა, ყველა მიმართულებით, რაც წინა რეკომენდაციებში ეწერა, რაც დღეს 9 რეკომენდაციაში წერია, ყველა შესაძლო საკითხზე, რაც განაპირობებს ჩვენ ხვალინდელ დღეს და მოლაპარაკებების გახსნას, უთხრა მკაფიო უარი. ევროპიდან მივიღეთ ერთგვარი ავანსი და დღეს ოცნება დაკავებულია ჩვენი მომავლის და დღის საბოტაჟით. საბაოტაჟია ერთადერთი სიტყვა რაც მომაფიქრდა.

არა იუსტიციის რეფორმას – მურუსიძეს და ჩინჩალაძეს არ გავწირავთო! – საქართველოს ევროპული მომავლის ნაცვლადაც კი.

არა სანქციებთან შეერთებას – ამ ევროპავშირის საგარეო პოლიტიკასთან დაახლოებას, რაზედაც გვეუბნებიან, რომ აუცილებელია, თუ ჩვენთან შემოხვიდე თანამეგობრობაში.

და ულტიმატუმი ამერიკას, სასაცილოცაა – ძალიან მაგრები ვართო. არ უნდა ვაწყენიოთ რუსეთს, ეს არის ამ ყველაფრის სარჩული.

არა სამართლიან არჩევნებს – ჩვენი და მხოლოდ ჩვენი წესები, ჩვენი და მხოლოდ ჩვენი ცესკო.

არა დიასპორის მონაწილეობას – ვინიცობაა ჩვენები არ იყოსო. შეურაცხყოფაც თან ახლავს, ყოველ “პადიეზდში” ხომ არ გავხსნით საარჩენო უბანსო

არა ქალების უფლებებს და იმ ერთადერთ შესურლებულ რეკომენდაციას რაც გვქონდა გენდერულ თანასწორობაზე. უკან–უკან წავიდეთ და ქალები “ბუტკაშიო”.

არა ანტიკორუფციულ ზომებს, თურმე, არ უნდა ვიცოდეთ, როგორ მდიდრდებიან ჩვენი მოსამართლეები, თუ ყოფილი პრემიერები, მთავარია, მდიდარი მამა ჰყავდეთ ან შვილები, ან ძმები, საზოგადოებამ ამის შესახებ არაფერი იცოდეს.

არა და არა დეპოლარიზაციას – გამწვავებისკენ იწვევენ საზოგადოებას, ამას ემსახურება ყველა ის ინიცირებული კანონები.

ეს ყველაფერი პირდაირი გამოწვევაა ხალხის, პარტნიორების, რომლებმაც ავანსად მოგვცეს კანდიდატის სტატუსი და ელოდებიან ჩვენ გულრწფელ გამოხატულებას, რომ არსებობს ამ გზაზე სიარულის პოლიტიკური ნება.

გამოწვევა რას ემსახურება – არეულობა, დესტაბილიზაცია რომ გამოიწვიოს, ყველა მოინათლოს რადიკალად, ომის პარტიის მომხრედ, უცხოეთის აგენტად – ძალიან ცნობილი ხერხებია, ზოგს უკვე გავლილი აქვს წლების წინ, არაფერია ახალი.

ჩვენი საზოგადოება არის მზად ამისათვის, ვერავინ გადაგვახვევინებს გზიდან.

ამ უზრდელობაზე, ამ უხეშობაზე, ამ ძალიან დიდი შეურაცხყოფაზე საქართველოს მიმართ, რასაც ქვია რუსული კანონი და რუსული მიმართულება – პასუხია ერთი და მხოლოდ ერთი – არჩევნებით ჩვენი ევროპული სათქმელის თქმა. არჩევნები მოდის ცოტა ხანში, ხელისუფლებამ იცის რეალური ციფრები, იცის, რომ  კონსტიტუციური უმრავლესობა – მითია, არსებობს ქვეყნაში უმრავლესობა, რომელმაც იცის რა უნდა.

ჩვენ უნდა გავდიეთ არჩევნებზე, უდიდესი მობილიზაციაა ამისათვის საჭირო, არც პესიმიზმია საჭირო, არც დიდად არეულობა, საჭიროა მომზადება, ყველანი გავიდეთ რამოდენიმე პარტიით ერთი ევროპული დროშის ქვეშ არჩევნებზე. ერთი დროშით გასვლა არ ნიშნავს პარტიების გაერთიანებას, მაგრამ ნიშნავს გამსხვილებას და საზოგადოების გაერთიანებაა.

ამ დროშას დავიჭერ ბოლომდე, ვიქნები თქვენთან ერთად ბოლომდე, რომ ევროპულმა საქართველომ გაიმარჯოვს. ვერაფერს იზამს ამ ხრიკებით ოცნება.