“ივანიშვილმა იცით რა გაბედა?” – მდინარაძე

ივანიშვილზე გაბედული ადამიანი ამ ქვეყანაში არ გვყავს – ამის შესახებ  „ქართული ოცნების“ აღმასრულებელმა მდივანმა მამუკა მდინარაძემ განაცხადა.

საპარლამენტო უმრავლესობის ლიდერი ამტკიცებს, რომ ბიძინა ივანიშვილის ბიტკოინების შესაძლო მითვისების საქმეს არ იცნობს.

ჩვენ ამაზე განცხადებები გავაკეთეთ უკვე, მართლა არ მახსოვს დეტალები და რაიმე შეცდომა რომ არ დავუშვა, დეტალურ პასუხს არ გაგცემთ, მაგრამ ერთს გიპასუხებთ. ბიძინა ივანიშვილის გაბედვაზე ნუ ლაპარაკობთ, რადგან ბიძინა ივანიშვილზე მეტად გაბედული ადამიანი ამ ქვეყანაში არ გვყავს. იმ ადამიანმა იცით რა გაბედა? ძალიან დიდი მხარდაჭერა რომ ჰქონდა, ისეთ უსასტიკესს რეჟიმს დაუპირისპირდა და დაამარცხა საკუთარი და საკუთარი ოჯახის წევრების სიცოცხლის რისკის ფასად და თქვენ ლაპარაკობთ მის გაბედულობაზე. რა თქვენი საქმეა, სად უნდა მიდიოდეს. ის თვითონ გადაწყვეტს, წარმომადგენელი გაუშვას თუ თვითონ მივიდეს”, – ამბობს მდინარაძე.

ცნობისთვის, თანაინვესტირების ფონდის ყოფილი ხელმძღვანელის, გიორგი ბაჩიაშვილის წინააღმდეგ ბიძინა ივანიშვილი სავარაუდოდ ჩვენებას ქართველი მოსამართლის წინაშეც მისცემს.

საქმე ეხება ბაჩიაშვილის წინააღმდეგ ბიძინა ივანიშვილის სარჩელს, ოლიგაქრი ამტკიცებს, რომ გიორგი ბაჩიაშვილმა მისი კუთვნილი ფული მიითვისა.

დღეს ცნობილი გახდა, რომ საქმეში დევს ივანიშვილი – ბაჩიაშვილის აუდიოჩანაწერიც.

პროკურორმა კი მედიას უთხრა, რომ  გიორგი ბაჩიაშვილის საქმეზე ბიძინა ივანიშვილი დაიკითხება.