სარემონტო სამუშაოების წარმართვაში დროის მენეჯმენტს უდიდესი მნიშვნელობა აქვს. დაგეგმვა პროცესის კონტროლში გეხმარება. ცხადია, ყველაფერს წინასწარ ვერ გათვლი, მაგრამ შეგიძლია, დაახლოებითი მონახაზი შეადგინო. ეს მთლიანი რემონტის ხანგრძლივობაზე შეგიქმნის წარმოდგენას.
დროითი ხაზის გაწერისას ჩნდება კითხვა, რომელი ოთახის მოწყობა მოითხოვს ყველაზე დიდ დროს. ჩვენი რჩევები გეგმის სრულყოფაში დაგეხმარება. ასე რომ, სანერვიულო არაფერი გაქვს. რეკომენდაციების გათვალისწინების შემთხვევაში, ყველაფერი ექსცესების გარეშე ჩაივლის და სულ მალე შენი ოცნების სახლში იცხოვრებ.
გასათვალისწინებელი ფაქტორები
სანამ თითოეული ოთახის მოწყობის სპეციფიკასა და სირთულეებს განვიხილავთ, ყველაზე მნიშვნელოვანი ფაქტორი არ უნდა დაგვავიწყდეს. რემონტის დროს ყველაფერი მეტწილად შენივე პრიორიტეტებზეა დამოკიდებული. ის, თუ რა დრო სჭირდება ოთახის მოწყობას, განპირობებულია მისივე ზომით, შენთვის სასურველი დიზაინითა და ბიუჯეტით.
მისაღები ოთახის მოწყობასთან დაკავშირებული სირთულეები
როგორც წესი, სახლში ყველაზე დიდ ყურადღებას მისაღები ოთახი იმსახურებს. ეს არის ადგილი, სადაც ოჯახის წევრები იკრიბებიან, სტუმრებს იღებენ და ერთმანეთს აზრებს უზიარებენ. შესაბამისად, მის მოწყობაზე ბევრს ფიქრობენ და დროც მეტი იხარჯება. გარდა ამისა, გასათვალისწინებელია, ოთახის ზომაც. დანიშნულებიდან გამომდინარე, ამ ოთახს ყველაზე დიდი არეალი ეთმობა, რაც რემონტის ხანგრძლივობაზეც აისახება.
მისაღები ოთახის მოწყობისას რამდენიმე მნიშვნელოვანი ფაქტორია გასათვალისწინებელი:
- განათება
- იატაკი
- ავეჯი
- სათავსოები
- აქსესუარები
- პერსონალური ნივთები
- ბალანსი და პროპორცია
რა დროს მოითხოვს სამზარეულოს მოწყობა
როცა საქმე სამზარეულოს მოწყობას ეხება, ყველაზე მნიშვნელოვანი პრაქტიკული მხარეა. ამ შემთხვევაში, დროითი რესურსი ძირითადად ტექნიკის შერჩევაზე იხარჯება. დროის დაზოგვის მიზნით, სამზარეულოს ტექნიკა შეგიძლია ელექტრონულად შეარჩიო, სადაც სხვადასხვა ბრენდის დანადგარები ერთ სივრცეშია მოქცეული.
რა დროში შეძლებ კომფორტული საძინებლის მოწყობას
საძინებლის მოწყობას მისაღებ ოთახთან და სამზარეულოსთან შედარებით ნაკლები დრო სჭირდება, თუმცა ამ შემთხვევაშიც არაერთი დეტალია გასათვალისწინებელი. მყუდრო გარემოს შესაქმნელად საჭიროა თბილი ტონების არჩევა, მათი შეხამება, კომფორტული საწოლის არჩევა, ოთახის სათავსოებით შევსება და კიდევ ბევრი მცირე, მაგრამ მნიშვნელოვანი დეტალის გათვალისწინება.
რა დრო სჭირდება აბაზანის მოწყობას
ოთახის მცირე ზომის მიუხედავად, აბაზანის მოწყობა საკმაოდ დიდ დროს მოითხოვთ. კაფელის, ტექნიკისა და აქსესუარების შერჩევის გარდა, ამ შემთხვევაში სივრცის ოპტიმალურად ათვისებაც მნიშვნელოვანი ფაქტორია.
შეჯამება
სარემონტო სამუშაოებს, როგორც წესი, დიდი აურზაური მოჰყვება. პროცესის მართვა უსიამოვნო სიურპრიზებს აგარიდებს თავიდან. იმისთვის, რომ ბინაში გადასვლა წინასწარ დათქმულ ვადებში შეძლო, საჭიროა დროის მენეჯმენტი.
ხშირად ყველაზე ხანგრძლივ სამუშაოდ მისაღები ოთახის მოწყობას განიხილავენ, თუმცა რეალობაში ყველაფერი ბინის სპეციფიკასა და შენს პრიორიტეტებზეა დამოკიდებული. არ არსებობს უნივერსალური ფორმულა, რომელსაც შეგიძლია, მიჰყვე.
ოთახის ზომა, დიზაინი და სარემონტო სამუშაოებისთვის განკუთვნილი ბიუჯეტი, ის მნიშვნელოვანი ფაქტორებია, რომელთა გარეშე სარემონტო სამუშაოების ხანგრძლივობაზე მსჯელობა შეუძლებელია. ამის გათვალისწინებით კი, ოთახის მოწყობისთვის საჭირო დროს მეტწილად შენი სურვილები და რესურსები განაპირობებს.
კომენტარები