“სწორად დასმული საკითხი გახლდათ, ახალი მარშრუტის გახსნა და ფორმირება ჯვართან ახლოს, ლოკაცია ხოკოდან, რომელიც ტურისტისთვის გაცილებით ადვილია გასავლელად”, -ამის შესახებ განცხადება, წალენჯიხოს მუნიციპალიტეტის მერმა, გიორგი ხარჩილავამ ქალაქ ჯვარის კულტურის სახლში სამუშაო შეხვედრის შემდეგ გააკეთა.
წალენჯიხის მერმა “თაიმერთან” საუბრისას, ხაზი გაუსვა საკითხის განსაკუთრებულობას, მუნიციპალიტეტში ტურიზმის განვითარების კუთხით და ახალი მარშრუტის მნიშვნელობაზე ისაუბრა.
“საკითხი ეხება წალენჯიხის მარგალიტს, ტურიზმის მთავარ თემას, ტურიზმის ამოსავალ წერტილს, ტობავარჩხილს. დემურ უბილავასა და ზურაბ სამუშიას ინიციატივა, მიგნება, სწორად დასმული საკითხი გახლდათ, ახალი მარშრუტის გახსნა და ფორმირება ლოკაცია ხოკოდან, რომელიც ტურისტისთვის გაცილებით ადვილია გასავლელელად და ამასთან, ძალიან დატვირთულია თვალწარმტაცი ხედებით, ფოტო-ტურიზმის მიმართულებით, მძაფრი შთაბეჭდილებების მიღებასთან დაკავშირებით და ყველა იმ სინამდვილითა და რეალობით, რასაც ეკო-ტურიზმი მოიცავს. იმ ადამიანებისთვის, რომლებსაც სულიერი მოთხოვნილება აქვთ ბუნებასთან სიახლოვის. ასე, რომ ჩვენ შეიძლება მივიღოთ მარშრუტი, რომელიც მარტივიც იქნება და პეიზაჟებით დატვირთულიც. ჩვენ ვიცით, რომ ტობავარჩხილისკენ არაერთი მარშრუტია, თუმცა, მათთან შედარებით, ეს იქნება საკმაოდ კონკურენტიანი, იმ ყველაფრის გათვალისწინებით, რაზეც ჩვენ უკვე ვისაუბრეთ. საორგანიზაციო ჯგუფი იწყებს მუშაობას ამ მარშრუტის ეფექტიანობის დადგენასთან დაკავშირებით, რადგან ეს მარშრუტი, შეტანილი იქნას, საერთო რეგიონალური ტურიზმის მარშრუტებს შორის და დატანილ იქნას შესაბამის რუკაზე”, – განმარტა გიორგი ხარჩილავამ.
როგორც წალენჯიხის მერმა აღნიშნა, მოცემულ საკითხთან დაკავშირებით, ხვალ, მუნიციპალიტეტის მერიაში ორგანიზაცია “დიემოსთან”შეხვედრაა ჩანიშნული.
“ეს არის ორგანიზაცია, რომელსაც რეგიონალური ტურიზმის დაპროექტება-განვითარებაში ძალიან დიდი წვლილი შეაქვს, მათთან ერთად განვიხილავთ ამ მიმართულებასაც და ამასთან, სიურპრიზის სახით შემიძლია გითხრათ, რომ დავიწყეთ ჩქვალერის(ინწრა) და მუჟავას ხეობების ტურიზმის დაგეგმარებაც. რაც შეეხება ტობავარჩხილის მარშრუტებს, ამ მიმართულებით რამდენიმე მარშრუტია და ტურისტს ექნება შესაძლებლობა სხვადასხვა მარშრუტით დალაშქროს ეს გზა და სხვადასხვა სახის შთაბეჭდილებები, თავგადასავლები დააგროვოს იმ გეოგრაფიული ზონებიდან, რასაც ტობავარჩხილამდე მისასვლელ გზაზე შეხვდება”, – განაცხადა “თაიმერთან” საუბრისას წალენჯიხის მერმა, გიორგი ხარჩილავამ.
კომენტარები