„პატრიოტი ადამიანებისთვის კობა დავითაშვილი ქვეყანას დააკლდა“ – დღეს კობა დავითაშვილი 52 წლისა გახდებოდა

კობა დავითაშვილი იყო ადამიანი, რომელიც 2007 წლის 7 ნოემბრის საპროტესტო აქციის დროს უმოწყალოდ ცემეს, ნაცემს თავისუფლება უკანონოდ აღუკვეთეს და სასიკვდილოდ გაწირეს,

ჯანმრთელობის უმძიმესი მდგომარეობის მიუხედავად, ქვეყნისთვის ბევრი სასიკეთო თქვა და გააკეთა. სტუდიაში თუ სტუდიის გარეთ, თავისუფლად მოსიარულენი და ჯანმრთელნი დასცინოდნენ, ავადმყოფს უწოდებდნენ და მიშას განადიდებდნენ. ასეთებისთვის მისი წასვლით ნამდვილად არაფერი შეიცვალა … მაგრამ გულისხმიერი, კეთილსინდისიერი, პატრიოტი ადამიანებისთვის კობა დავითაშვილი ქვეყანას დააკლდა.

ნუ დაგვავიწყდება, რომ მიხეილ სააკაშვილი ამ მკვლელი რეჟიმის შემოქმედი 2003 წლიდან 2012 წლამდე პერიოდში თავად იყო კანონი, თავად იყო სამართალი, თავად იყო სასამართლო, პოლიცია, პროკურატურა და სახალხო დამცველი!

მის მიერ შექმნილი ჯალათების სისტემით საქართველოს 32 000 პატიმარი და 300 000 პრობაციონერი ჰყავდა. მის სისტემას შეეწირა 745 პატიმარი. ქუჩაში ჩახოცილია 151 ახალგაზრდა. მთელი საქართველო შეძრა სისტემური დანაშაულის პატიმართა წამების კადრებმა.

მისი სისტემის დროს მოკლეს გურამ შარაძე, პატარკაციშვილი, ჟვანია, თეთრაძე, შავაძე, კრიალაშვილი, დუმბაძე, თელია, ცინდელიანი, გენერალი კეკუა, და სხვ.

დააინვალიდეს ასეულობით პატიმარი, შეიწირეს კობა დავითაშვილი, (რეზინის ტყვია თავში მოახვედრეს) გია მაისაშვილს ის დაავადდა სიმსივნით და გარდაიცვალა.

მიხეილ სააკაშვილის გზას პოლიტიკური ყოვლისშემძლეობიდან ციხის საკნამდე წლები დასჭირდა. ის ვერასოდეს წარმოიდგენდა, რომ კანონი საკუთარ ადგილს დაუბრუნდებოდა და მას პასუხს მოსთხოვდა, მაგრამ ასეა ის ქართული მართლმსაჯულების წინაშე წარსდგა და ქართული კანონით გასამართლდა.

ის სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. ამ საქმეებზე სასამართლოს მიერ გამოტანილი გადაწყვეტილებები საბოლოოა. ყოველივე ამის შემდეგ სინანულისა და აღიარების ნაცვლად ის ციხის პირობებში საკნის ფერსა და ლეიბის ხარისხს იწუნებს, მოითხოვს მისმა მომხრეებმა არაკანონიერი მეთოდებით თუნდაც სისხლის ღვრის ფასად კანონისაგან დაიხსნან.

მაქვს კითხვა- რით იმსახურებს ჯალათების რეჟიმის შემქმნელი თავისუფლებას? რით იმსახურებს კონკრეტულ საქმეებზე მსჯავრდებული მიხეილ სააკაშვილი თავისუფლებას? მაინტერესებს და მსურს მოვისმინო მხოლოდ მყარი არგუმენტები. რატომ უნდა გადავდოთ გვერდით ქართული კანონი და ავირჩიოთ თავისუფლება მიშას?!

მაშინ როცა გურამ შარაძისათვის, პატარკაციშვილისათვის, ჟვანიასათვის, თეთრაძისათვის, შავაძისათვის, კრიალაშვილისათვის, დუმბაძისათვის, თელიასათვის, ცინდელიანისათვის, გენერალი კეკუასათვის, კობა დავითაშვილისა და სხვებისთვის რომლებიც სააკაშვილის სისხლიანმა რეჟიმმა მოიშორა, ვერავინ ვეღარაფერს შეცვლის.“