“ვინც ამ აქციაზე გახვალთ, აირჩევთ სიბნელეს!” – ტაბლიაშვილი

ჟურნალისტი, ირაკლი ტაბლიაშვილი:

“დიდად არ მანაღვლებს აქცია, რომელიც 30 აპრილს ჩატარდება!.. მაგრამ, მაინც ვიტყვი:

ვინც აქციაზე გახვალთ – მურუსიძეს დაუჭერთ მხარს!.. მურუსიძე ხიხიაა!

ვინც აქციაზე გახვალთ – ჩინჩალაძეს დაუჭერთ მხარს!.. ჩინჩალაძე ხიხიაა!

ვინც გახვალთ, თუნდაც უნებურად, რუსეთს დაუჭერთ მხარს! რუსეთი ხიხია არაა! ბოროტებაა!

ვინც გახვალთ, ქართველი ხალხის არჩევანს შეეწინააღმდეგებით!.. ქართველ ხალხს დასავლეთი უნდა! აქციის ყველა ღია და ფარულ მოთავეს კი – რუსეთი!

ვინც გახვალთ, სუსის, იგივე კგბ-ს ბნელ თამაშებში ჩაერთვებით! ხელსახოცებად იქცევით!

ვინც გახვალთ, ისტორიის გმირებს უღალატებთ! მაგალითად – ილიას!

ვინც გახვალთ და იხუვლებთ, რომ საქართველოს ასეთი დასავლეთი არ უნდა და სუვერენულ დემოკრატიას აკეთებთ! უნებურად გახდებით სურკოვის მოკავშირე!

ვინც გახვალთ, ირიბად მოიწვევთ რუსეთს! რათა მან აქ წესრიგი, ანუ – პალაჟენია დაამყაროს!

ვინც გახვალთ, საბოლოოდ აირჩევთ სიბნელეს! გაუნათლებლობას! უპერსპექტივობას! უბედურებას! უსუსურობას!”