“რუსმა აგენტებმა მომწამლეს, სუსში შეძლეს შეღწევა” – Politico-ს ინტერვიუ მიხეილ სააკაშვილთან

საქართველოს მესამე პრეზიდენტის შესახებ სტატიას აქვეყნებს გამოცემა Politico, რომელთანაც მიხეილ სააკაშვილი ამბობს, რომ ის რუსმა აგენტმა მოწამლეს.

სააკაშვილი ამბობს, რომ რუსმა აგენტმა “საქართველოს უსაფრთხოების სამსახურში შეძლო შეღწევა.” მისივე თქმით, მას ახსოვს ის დღე, როცა მის სხეულში საამლავი შეიყვანეს. “კინაღამ მოვკვდი” – ამბობს მესამე პრეზიდენტი.

მედიასთან საქართველოს მესამე პრეზიდენტი ამბობს, რომ მას შემდეგ ცუდადაა. სტატიაში ნათქვამია, რომ ყოფილმა პრეზიდენტმა დაკარგა წონის ნახევარი 2021 წლის ოქტომბერში, დაპატიმრების შემდეგ და ახლა 60 კილოგრამს იწონის.

POLITICO საქართველოს მესამე პრეზიდენტი ამბობს, რომ დაწესებულებაში, სადაც ის იმყოფება, ანუ “ვივა მედში”, მკურნალობასთან დაკავშირებით მთავარ გადაწყვეტილებებს იღებენ იღებენ უსაფრთხოების სამსახურები და არა ექიმები – “ისინი ნიშნავენ მთელ სამედიცინო პერსონალს”.

გამოცემას მიხეილ სააკაშვილის პასუხები კითხვებზე მისმა ამერიკელმა ადვოკატმა, მასიმო დი ანჯელომ მიაწოდა. ის მედიასთან ამბობს, რომ საწამლავის მცირე დოზები, სავარაუდოდ, სააკაშვილის საკვებსა და წყალში იყო შერეული – რაც ადვოკატის თქმით, შეესაბამება კრემლის ნელ, მტანჯველ მეთოდებს, როდესაც საქმე პოლიტპატიმრების ლიკვიდაციას ეხება.

კითხვაზე, თუ ვის თვლის პასუხისმგებლად მის მდგომარეობაზე, მიხეილ სააკაშვილი მიუთითებს ერთ პიროვნებაზე: “ივანიშვილზე, საქართველოს უმდიდრეს კაცზე” – წერია სტატიაში.

წყარო – მთავარი არხი