“ბრმად მენდეთ ვისაც ოდნავ მაინც უტრირებულ-გადაჭარბებული გეჩვენათ რომელიმე აზრი!” – ტაბლიაშვილი

იმის დასტური, რომ ჩვენ აღარ ვართ ცივილიზებული სამყაროს ნაწილი, არაა მხოლოდ რუსული ძალის მიერ შექმნილი რაღაც კანონი!.. ან ისტორიისთვის ორჯონიკიძის გვერდში ჩასაწერი რომელიმე უგვანი ქართველი მმართველი პოლიტიკოსის ბჟუტური და მომაკვდინებელი გადაწყვეტილება!.. ვიმეორებ – მხოლოდ ეს არაა, თორემ, ესეც არის!

ჯოზეფ ბაიდენი – თავისუფალი სამყაროს ლიდერი, დღეს! ცოტა ხნის წინ, მიესალმა მოლდოველ ხალხს და თანადგომა გამოხატა მის მიმართაც! საქართველო მას არ უხსენებია!..

ეს ან ესეც ადასტურებს, რომ თავისუფალი სამყარო უკვე აღგვიქვამს იმ რკინის ფარდის მიღმა (რუსულ მხარეს), რომელიც აუცილებლად დაეშვება!

და რკინის ფარდა დაეშვება! იმიტომ, რომ, როცა პუტინი დამარცხდება უკრაინაში და როცა პუტინი წავა მიუსავლეთში! რუს ახალ მმართველთან დაიწყება ვაჭრობა კი არა, შეთანხმება! და თუ დიდი ბიჭებიდან თუნდაც ერთი (შოლცი, მაკრონი, სუნაკი, ბაიდენი… სხვები) იტყვის, რომ საქართველოს არაფერი გაუკეთებია უკრაინისათვის! ანუ – რუსეთის დამარცხებისათვის! ვერა სხვა არგუმენტი ვეღარ შეგვეშველება… ვეღარ წაგვადგება! ვეღარ გადაგვარჩენს! ისინიც ჩაგვტოვებენ ახალ პუტინთან! პუტინზე “უკეთეს” პირობით სიდოროვთან!

ეს მწარე! ცრემლებამდე რომ მივყავართ ისეთი რეალობაა!.. ეს მტკივნეული სიმართლეა!

კითხვას – გადავურჩებით თუ არა ამ ამბავს… უფრო ზუსტად, გვაქვს თუ არა შანსი, დადებითად უნდა ვუპასუხოთ! კი – შანსი ჯერაც გვაქვს! ოღონდ, დრო გვაქვს ძალიან ცოტა!

2023 ან 2024 წელს უკრაინა საბოლოოდ გაიმარჯვებს!..

თუ ამ დროს საქართველოს ხელისუფლებაში იქნება კოლაბორანტი მთავრობა, საბოლოოდ გავფორმდებით რუსეთის ეზოდ!

და ყველაფერი თავიდან დაიწყება!

და მხოლოდ 100 წლის შემდეგ-ღა შევდგებით! ისიც თუ შევდგებით!

პ.ს. ბრმად მენდეთ ვისაც ოდნავ მაინც უტრირებულ-გადაჭარბებული გეჩვენათ რომელიმე აზრი!”