ნაციონალური მოძრაობის თავმჯდომარეობის კანდიდატი, ტვ პირველზე, ჟურნალისტ დიანა ტრაპაიძესთან, ნაციონალური მოძრაობის ახალგაზრდა წევრების რეგიონებიდან, საკრებულოებიდან ფოტოებით მივიდა და აცხადებდა, რომ სწორედ ისინი უნდა იყვნენ ქვეყნის და პარტიის მომავალი. ინტერვიუს მსვლელბისას, მცირე დროით, როლები შეიცვალა და ლევან ხაბეიშვილი უსვამდა წამყვანს კითხვაბს:
ლევან ხაბეიშვილი:
-მოდი, ერთ კითხვას დაგისვამთ.
დიანა ტრაპაიძე:
-მე მისვამთ კითხვას? როლები შეიცვალა?
ლევან ხაბეიშვილი:
-ამდენ კითხვას რო მისვამთ, გუშინ ნუგზარ წიკლაური ხომ გყავდათ ეთერში, რატომ არ ჰკითხეთ, ნიკა მელიას მამა, ანზორ მელია რომ მოვიდა კანცელარიასთან, რომელ აქციაზეც მიშა სააკაშვილის ძმა, გიორგი სააკაშვილი იყო ერთ–ერთი სპიკერი და ამ დროს ანზორ მელია მოვიდა და თქვაო, ესო არისო, ივანისვილის… ნიკა მელიას მომხრეები რომ დადიან ეთერებში, გიკითხავთ, ეთანხმებიან, თუ არა ანზორ მელიას ამ განცხადებას?
დიანა ტრაპაიძე:
–რა თქვა ანზორ მელიამ?
ლევან ხაბეიშვილი:
-არ იცით რა თქვა? რომ ხაბეიშვილის აქცია არის ივანიშვილის მართულიო, არ გაგიგიათ?
დიანა ტრაპაიძე:
-რაღაც მოღალატე ხაბეიშვილიო, ესეთს მოვკარი ყური და…
ლევან ხაბეიშვილი:
-გიკითხავთ ნუგზარ წიკლაურისთვის, ან ბაჩო დოლიძესთვის, ან ნიკა მელიასთვის თუნდაც…
დიანა ტრაპაიძე:
-რომ?
ლევან ხაბეიშვილი:
-რომ ეთანხმებიან თუ არა ამ მოსაზრებას.
დიანა ტრაპაიძე:
-ანზორ მელიას მოსაზრებას? ლევან ხაბეიშვილი არის თუ არა მოღალატე?
ლევან ხაბეიშვილი:
-არა მარტო ხაბეიშვილი, იქ ჩამოთვალეს, კირკიტაძე, ბოტკოველი…
დიანა ტრაპაიძე:
-როცა სტუმრად მეყოლებიან, რა კითხვასაც გადავწყვეტ იმ კითხვას დავუსვამ.
ლევან ხაბეიშვილი:
-მე მაქვს კითხვა ქალბატონო დიანა, თქვენ უსვამთ თუ არა ამ წვავე კითხვებს მათ? მათი პასუხი არ გაინტერესებთ?
დიანა ტრაპაიძე:
-ანზორ მელია როგორ გაფასებთ თქვენ, ეს არის მთავარი კომპრომატი ნიკა მელიასთან დაკავშირებით?
ლევან ხაბეიშვილი:
-რა შუაში, ეს ვთქვი ახლა მე? როგორც ჟურნალისტს არ გაინტერესებთ? იმდენი ეთერი გავიდა…
დიანა ტრაპაიძე:
-სად ვნახე ნიკა მელია ჯერ ერთი და თქვენ ვერ განმისაზღვრავთ კითხვებს…
ლევან ხაბეიშვილი:
-არ გისაზღვრავთ, იმიტომ მოვედი, რომ მწვავე კითხვას დამისვამთ, მაგრამ ნახევარი საათი რომ ვანო მერაბიშვილზე მელაპარაკებით, რომელიც საერთოდ არ არის საჯარო პოლიტიკაში ჩართული, ამ დროს ანზორ მელია…
დიანა ტრაპაიძე:
-ცხრა წელზე თუ ხართ პასუხისმგებელი, დღევანდელი თქვენი თანაგუნდელების განცხადებებზეც ხართ პასუხისმგებელი.
ლევან ხაბეიშვილი:
-არ გაქვთ პასუხი?
დიანა ტრაპაიძე:
-მე რატომ უნდა მქონდეს, თქვენ უნდა გქონდეთ პასუხი.
ლევან ხაბეიშვილი:
-მაყურებელს არ აინტერესებს ობიექტური შეფასება რომ გააკეთოთ? თქვენ არ დაგაინტერესათ არასდროს ანზორ მელიამ…
დიანა ტრაპაიძე:
-ანზორმა რატომ მოგიხსენიათ ცუდად, ეს ვკითხო ნიკა მელიას? ჩავინიშნავ…
ლევან ხაბეიშვილი:
-თქვენი აზრით, არ უნდა ჰკითხოთ? მაყურებელმა არ უნდა იცოდეს? მე მელაპარაკებით ვანო მერაბიშვილზე ნახევარი საათია და…
დიანა ტრაპაიძე:
-ანზორ მელია პოლიტიკაშია?
ლევან ხაბეიშვილი:
-ზუგდიდის მერობის კანდიდატი იყო, უკაცრავად.
დიანა ტრაპაიძე:
-კი იყო, მახსოვს, მაგრამ ახლა მერე წავიდა და წავიდა.
ლევან ხაბეიშვილი:
-არ გამოვა ახლა ესე რა, არ გამოვა.
დიანა ტრაპაიძე:
-თქვენ ახლა გგონიათ რომ მე ანზორ მელიას ვეფარები?
ლევან ხაბეიშვილი:
-მე არ ვიცი რას აკეთებთ მაგრამ მეუბნებით, პოლიტიკაშია ანზორ მელიაო? ჩემზე უკეთ არ იცით, პოლიტიკაშიც არის, კანცელარიასთან აქციაზეც იყო, მერე მოვიდა, გაგვლანძღა და მშვიდობის ხიდზე ჩავიდა და ვანო მერაბიშვილი არ არის საჯარო პოლიტიკაში. ნახევარი საათია მასზე მელაპარაკებით. ოღონდ, კიდევ ერთხელ გეუბნებით, ნაციონალური მოძრაობის და ამ ქვეყნის მომავალი არც დავით კეზერაშვილია, არც ვანო მერაბიშვილია, ამ ქვეყნის მომავალი არიან ახალგაზრდები. ამ ხალხზე მალაპარაკეთ, მასაუბრეთ ამ ადამიანებზე. ნახვარი საათი ცდილობთ ვანო მერაბიშვილზე მელაპარაკოთ, მე მინდა გელაპარაკოთ ახალგაზრდებზე. მინდა გელაპარაკოთ ბიძინა ივანიშვილის დამარცხებაზე, რუსულ ოცნებაზე, მაგრამ თქვენ ამ თემიდან არ გადახვედით. ამიტომ გამიჩნდა კითხვა, ბაჩო დოლიძესაც, ნუგზარ წიკლაურსაც რატომ არ ჰკითხეთ…
დიანა ტრაპაიძე:
-ანზორ მელიაზე კითხვით რა შედეგს მივიღებდი არ ვიცი, თუ გინდათ ეთერის მერე ვილაპარაკოთ ამაზე.
კომენტარები