“ამას უნდა მოჰყოლოდა ტალღის აზვირთება, მეცხრე ტალღა უნდა წამოსულიყო” – შათირიშვილი

მწერალი, “ქართული ოცნების” თანადამფუძნებელი, მერაბ შათირიშვილი, მედიასთან, ამბობს:

ყველაზე ძლიერი გამოცდა, პიკი, მელიას ლიდერობის დროს იყო, მან გლდანში მოიგო არჩევნები, მამამისმა ლამის მოიგო ზუგდიდში, ეს ოჯახი გამოიყენეს ყველანაირად და მიზანს მაინც ვერ მიაღწიეს. სააკაშვილი რომ ჩამოვიდა, მის დაპატიმრებას, თუ რაიმეს გამკეთებლები იყვნენ ესენი, უნდა მოჰყოლოდა ტალღის აზვირთება, მეცხრე ტალღა უნდა წამოსულიყო – მაგრამ არაფერი, ლივლივებდა ყველაფერი, არანაირი ღელვა, არანაირი საშიშროება არ იყო და ახლა მით უმეტეს, როცა ლიდერი იძახის, ავად ვარ და მიშველეთ და გამიყვანეთ… ერთი სული აქვს როდის გაექცევა ამ მსჯავრს და ესეც არ არის კაცური. შენ შეიძლება მართალი იყო, მაგრამ შენი თანამებრძოლები ხომ გამტყუნდნენ, ხომ მოიხადეს სასჯელი? თქვი, რომ შეიძლება მე არ ვიცოდი, მაგრამ რადგანაც დადანაშაულდნენ ისინი და არასოდეს გამოსარჩლებია და არც ისინი ესარჩლებიან ახლა, ერთი თუ დაცდენია მერაბიშვილს, ან ახალაიას, გინდა ოქრუაშვილს, სააკაშვილი ასეთ მდგომარეობაშია და გამოუშვითო? ამ ხალხმა მოიხადა სასჯელი ისე, რომ არ უტირიათ და არ უხოხიალიათ. არაფერი საშიშროება ნაციონალური მოძრაობისგან არ არის მოსალოდნელი.