კაციტაძემ სააკაშივლის წამების კვალს ვერ მიაგნო – გიული ალასანია

საქართველოს მესამე პრეზიდენტის დედა, გიული ალასანია სპეციალური საგამოძიებო სამსახურის უფროსის განცხადებას “ტვ პირველთან” აფასებს.

ალასანია აღნიშნავს, რომ ჩანაწერები, რომელიც  გლდანის სამკურნალო დაწესებულებაში შესახლებას ასახავს დამონტაჟებულია.

“მოვკარი ყური რომ იქ ძირითადი მომენტები ამოჭრილია, არ ვიცი მაგათ (კაციტაძის უწყებამ) რა ნახა. ამიტომ ძნელია, რაღაც დასკვნების გამოტანა. 

მე რაც ვნახე ეს იყო ძალიან უცნაური, იმ პრეზიდენტის მიმართ, რომელმაც ამდენი გააკეთა ქვეყნისთვის. ჩემთვის ეს ძალიან მიუღებელი იყო. ამ ერთი წლის განმავლობაში რასაც თვალს ვადევნებ, სტრესები თავმდევი პროცესია. ამ სტრესების გარეშე როგორც ჩანს, არ შეუძლიათ. 

ყოველდღე ვნახულობ და ვხედავ, რომ მდგომარეობა მნიშვნელოვნად გაუარესდა იმ ინციდენტის შემდეგ, რომელიც რამდენიმე დღის წინ მოხდა. ჩემი შვილი საკვებს საერთოდ ვერ იღებს”- განაცხადა გიული ალასანიამ. 

სპეციალური საგამოძიებო სამსახურის უფროსის, კოკა კაციტაძის განცხადებით, მიხეილ სააკაშვილის მიმართ შესაძლო არაადამიანური მოპყრობის საქმეზე ცალკეული ექსპერტიზის პასუხები უკვე ცნობილია და ამ ეტაპზე არავის ბრალეულობა გამოვლენილი არ არის.