“შრომისუნარიანი ხალხი უნდა მივმართოთ ბიზნესში, მუშახელის პრობლემაა” – პრემიერი

პრემიერი ღარიბაშვილი ბიზნესსექტორის წარმომადგენლებთან შეხვედრის შემდეგ, ამბობს:

კვალიფიციური კადრების და ზოგადად, მუშახელის პრობლემაც არის ქვეყანაში. სამშენებლო სექტორის წარმომადგენლები იყვნენ, რომლებიც აცხადებდნენ, რომ მუშახელს ვერ შოულობენ საქართველოში. თქვენ გახსოვთ, რომ მე დავიწყე ერთ-ერთი ახალი პროგრამა, რომელიც განვახორციელეთ, ეს იყო საზოგადოებრივი სამუშაოების პროგრამა. 25 ათასი ადამიანი დავასაქმეთ. მაგრამ ეს არ არის საკმარისი. უფრო მეტი კომუნიკაციაა საჭირო.

ეს ხალხი, შრომისუნარიანი, მოტივირებული ხალხი, ჩვენ გვჭირდება, რომ მივმართოთ ბიზნესში. ეს რა თქმა უნდა არის გამოკვეთილი პრობლემა. ამ მხრივ, მთავრობას აქვს გეგმა, რომ კიდევ უფრო მეტი ინვესტიციები ჩადოს პროფესიულ განათლებაში ეს არის, შეიძლება იყოს დიდი გამოწვევა არამხოლოდ ჩვენს ქვეყანაში, არამედ ბევრ ქვეყანაში არის ანალოგიური ხასიათის პრობლემები და ამას სჭირდება ერთობლივი მუშაობა მთავრობის და ბიზნესის.