სასამართლო კლინიკაში – “უჭირს მეტყველება, მწოლიარე რეჟიმშია” – დეტალები

საზღვრის კვეთის საქმეზე, მესამე პრეზიდენტის სასამართლო პროცესი კლინიკა “ვივა მედში” მიმდინარეობს. დღევანდელ პროცესზე ჩვენება მიხეილ სააკაშვილმა უნდა მისცეს.

საქმის პროკურორი ლევან ვეფხვაძე:

„დღევანდელ სასამართლო პროცესზე კლინიკა „ვივამედიდან“ წარმოდგენილი იყო ცნობა, რომლის მიხედვითაც მიხეილ სააკაშვილს შეუძლია ჩვენების მიცემა, გამომდინარე აქედან, ვიშუამდგომლეთ გასვლით სხდომაში მონაწილეობა, რაც დააკმაყოფილა მოსამართლემ. ამ ეტაპამდე არაერთი პროცესი გადაიდო, სადაც წარმოდგენილი იყო ცნობა, რომ მას არ შეეძლო მონაწილეობის მიღება“

ადვოკატი შოთა თუთბერიძე:

არც ერთ ექიმს ან სამედიცინო დაწესებულებას არ უთქვამს, რომ სააკაშვილი თავს გრძნობს კარგად, სამედიცინო დაწესებულებამ აღნიშნა, რომ სააკაშვილს უჭირს მეტყველება, თავს გრძნობს სუსტად და იმყოფება მწოლიარე რეჟიმში”