საქართველოს პრეზიდენტი, სპეციალურ ბრიფინგზე, მოსმენების შესახებ კანონზე საუბრისას, ამბობს:
“აჩენს ეჭვს, რომ ეს არის ძალაუფლების გამყარებისთვის მიღებული ცვლილებები, რომ მოსმენები გახდეს, როგორც ამ ქვეყანაში ვართ მიჩვეული, ძალაუფლების ძლიერი ბერკეტი. ეს არ შეიძლება, იმ მომენტში, როცა ვაცხადებთ, რომ მივდივართ იმისკენ, რომ კანდიდატის სტატუსი მივიღოთ. თუ მივდივართ ევროპისკენ – უნდა წავიდეთ, თუ არ მივდივართ, უნდა ითქვას ეს.”
შეგახსენებთ, უმრავლესობის მიერ მხარდაჭერილი ცვლილებების თანახმად, ფარული საგამოძიებო მოქმედებების მაქსიმალური ვადა 6 თვიდან 9 თვემდე იზრდება, ხოლო დანაშაულთა ჩამონათვალს, რომელზეც ფარული თვალთვალი შეიძლება განხორციელდეს, 27 ნაკლებად მძიმე დანაშაული ემატება. ამასთან, იცვლება ფარული საგამოძიებო მოქმედების ჩატარების შესახებ ინფორმაციის შესაბამისი პირისთვის შეტყობინების წესიც.
კომენტარები