მას შემდეგ, რაც ქვეყნის პრეზიდენტმა მმართველი პარტიის ლიდერს კულტურა, ტრადიციების ცოდნა, ზრდილობა დაუწუნა და თქვა: “კატეგორიულად ვგმობ ბატონი ირაკლი კობახიძის უკადრის საქციელს”, მალევე, მმართველი გუნდის ლიდერმა, მამუკა მდინარაძემ, დაწერა:
“კაგებეს” აგენტის შვილი არ ხართო? ეს ეროვნული მოძრაობის აქტიური წევრის შვილს კი არა, არავის შვილს და არავის უნდა კითხო საერთოდ, არასდროს, არც ერთ შვილს, ვინც არ უნდა იყოს ის, პოლიტიკოსი, ჟურნალისტი თუ სხვა.
უზრდელობის, უტიფრობის, მავნებლობის და უბინძურესი შეურაცხყოფის გარდა, უდიდესი სიბნელეა ამავდროულად.
და თუ მაინც ასეთის მკადრებელი ხარ, პასუხი არ უნდა გაგიკვირდეს!
ვინც მხოლოდ პასუხზე “ბრაზდება”, ის “ტრენდს” აყოლილი ბნელი სექტის ნაწილია, რომელიც, საბედნიეროდ, ჩვენი საზოგადოების მცირე ნაწილს წარმოადგენს.’
გულისხმობს, თუ არა, მამუკა მდინარაძე, “ტრენდს აყოლილ, ბნელი სექტის ნაწილად” პრეზიდენტს, ამაზე, ჯერჯერობით განმარტებები არ გაკეთებულა.
“კატეგორიულად ვგმობ კობახიძის უკადრის საქციელს” – პრეზიდენტი
კომენტარები