ანტისაოკუპაციო მოძრაობის ლიდერი, დავით ქაცარავა სოციალურ ქსელში წერს:
“შარშან, ნოემბერში ჩვენმა მოძრაობამ გაავრცელა ინფორმაცია რუსული საოკუპაციო რეჟიმის ახალი საოკუპაციო გეგმის შესახებ, რომელიც გულისხმობს ჩვენი ქვეყნის არა ოკუპირებული ნაწილის ოკუპაციას.
208 კვადრატული კილომეტრი – ეს არის ის ფართობი, რომელიც საოკუპაციო რეჟიმმა უკვე მოხაზა და მოიცავს მაღალმთიანი რაჭის, ზემო იმერეთის, შიდა ქართლის და მცხეთა-მთიანეთის ჯერჯერობით არაოკუპირებული ტერიტორიების ოკუპაციას.
ნოემბრის შემდეგ ჩვენი პატრულირება ზუსტად ამ გეგმას მიყვება.
ამჯერად რაჭაში, ოკუპანტებმა მავთულხლართი განაახლეს და მოძრაობის დეტექტორი დააყენეს, წინ წაწეული ოპერატიული ბაზის ირგვლივ კი, რომელიც კვაისას მახლობლად მდებარეობს, ტერიტორიის გასუფთავება დაიწყეს..
შეიძლება ვინმესთვის ეს უმნიშვნელო დეტალებია, მაგრამ ორკების საოკუპაციო რეჟიმის ახალი გეგმის ჭრილში, ეს ცვლილებები საგანგაშოდ მიგვაჩნია.
ხელისუფლების მხრიდან ჩვენ ვერანაირ პრევენციულ მოქმედებებს ვერ ვხედავთ.
ორკებისთვის შექმნილია მაქსიმალურად კომფორტული გარემო იმისთვის, რომ გააგრძელონ ჩვენი ტერიტორიების ოკუპაცია.
ორკების გეგმის განხილვისას, მათი მხრიდან გაჟღერდა საკვანძო ფრაზა – ” ჩვენ გადავალთ “იქეთ” მხარეს, დავდგებით ახალ საზღვრებზე, იქედან ხელს არავინ შეგვიშლის”.
ეს ხელისუფლება ასრულებს რუსულ დაკვეთას.”
კომენტარები