“ვართ გადამწყვეტ მომენტში… ეს მშვიდი კადრები გავა ევროპის ყველა ეკრანზე” – პრეზიდენტი

ცოტა ხნის წინ, “ალიამ” დასვა კითხვა, უერთდება, თუ არა, საქართველოს პრეზიდენტი, 20 ივნისის აქციას.

რამდენიმე წუთის წინ, სალომე ზურაბიშვილმა გაავრცელა მიმართვა, სადაც განაცხადა:

“იშვიათად თუ არის ერის ისტორიაში ასეთი გადამწყვეტი მომენტები – ვართ გადამწყვეტ მომენტში ისტორისაა. მე, ჩემი მხრიდან, ვცდილობ, ეს ბოლო დღეები გამოვიყენოთ მაქსიმალურად, ჩვენი ინტერესების წინ წასაწევად, ვაგზავნი წერილებს კოლეგებთან.

მინდა მივესალმო ყველა იმ ადამიანს, ვინც აპირებს გამოსვლებს დემონსტრაციის დროს, ვაჩვენოთ ჩვენი სახე, ეს სახე უნდა იყოს მშვიდი, ვიცით, როგორი საქართველო გვინდა და ეს ვაჩვენოთ. მინდა ყველას მივმართო, არავინ მოვიდეს ექსესებისთვის და მინდა მივმართო სამართლადამცველებს, იყოს შენარჩუნებული სიმშვიდეს – ეს მშვიდი კადრები გავა ევროპის ყველა ეკრანზე და იქნება ერთ–ერთი ნაწილი მისაღები გადაწყვეტილებების.

ყველას გისურვებთ, ევროპარლამენტის გადაყწვტეილებების იყოს წარმატებული. მინდა ყველა ის ნაბიჯი გადავდგათ, რომელიც მიგვიაყვანს წლის ბოლოს იმ სტატუსამდე, რომელზედაც ვოცნებობთ, კანდიდატის სტატუსამდე, ყველას გისურვებთ ევროპულ საქართველოს. მინდა ამ გზავნილით საქართველოდან ნათლად ჩანდეს, რომ ყველას გვინდა ევროპული საქართველო.”

უერთდება, თუ არა, 20 ივნისის აქციას პრეზიდენტი? – “ქვეყნის იზოლაცია რეალური საფრთხეა”