“დღეს არც მეგობარი გვყავს, არც მოკავშირე… საფრთხე ჩნდება იზოლაციის” – ზურაბიშვილი

საქართველოს პრეზიდენტი, სალომე ზურაბიშვილი:

კიდევ ერთი კითხვა გაჩნდა – სხვა რა უნდა გაგვეკეთებია? – თუნდაც ის, რაც გააკეთა მოლდოვამ, ჩვენზე მეტი არც სანქციები მიუღია და არც მოუთხოვია არავის, არც მისგან და არც ჩვენგან – ეს უნდა ითქვას, არც ომში ჩართვა არც მისგან და არც ჩვენგან არავის მოუთხოვია, მაგრამ მოლდოვამ შეძლო ის, რაც ჩვენ გვიჭირს – გაჩუმება და მუშაობა ევროპის ყველა დედაქალაქში – რაც ჩვენ არ გაგვიკეთებია, ვერ კი არა, არ გაგვიკეთებია.

ეს ყველაფერი კითხვებს აჩვენს ჩვენი პოლიტიკური ნების შესახებ – ამ ყველაფერმა მიგვიყვანა დღევანდელ მდგომარეობამდე, როცა არც მეგობარი, არც მოკავშირე გვყავს, რომელიც ჩვენ პოზიციას დაიცავს, არგუმენტებიც არ მიგიწოდებიათ დასაცავად და ვინც ჩვენ დასაცავად მზად იყო, ის ყველაზე მეტად გავანაწყენეთ, ჩვენი დიდი მეგობარი პოლონეთი.

საფრთხე ჩნდება იზოლაციის, იზოლაციის, რომელიც ჩვენ მერ შექმნილია, ბევრად უფრო დიდი და რეალური საფრთხეა, ვიდრე ე.წ. მეორე ფრონტის შექმნილი მითი.

ოპოზიციის რადიკალურმა ფრთამ, ცხადია დამაზიანებელი როლი ითამაშა, თუმცა, გვყავს ასევე კონსტრუქციული და პროევროპული ოპოზიცია და რაც არ უნდა მძაფრი ყოფილი ოპოზიციის ქმედებები, პასუხისმგებლობა დღევანდელ სიტუაციაზე ხელისუფლებაზეა და ამას ვერავინ გადაუნაწილებს, რამეთუ ხელისუფლება ერთია – საკმაოდ მძიმე სურათია. ამ ყველაფრის მიუხედვაად, რჩება მცირე, მაგრამ რეალური შანსი. ისიც მინდა ვთქვა, რომ რეზოლუცია, რომელზედაც ამდენი დაიწერა, კრიტიკასთან ერთად, დადებითი მოწოდებით მთავრდება, გამოთქვამენ რწმენას, რომ საქართველოს იმსახურებს მისი მოსახლეობის ლეგიტიმური ინტერესების დაკმაყოფილებას – არ არის ნეგატიური დასკვნა. ველოდებით მისიის რეკომენდაციას, რომელიც კვირის ბოლომდე უნდა გახდეს ცნობილი. არამხოლოდ კომისიის დასკვნის საფუძველზე, 23–24 ივნისსს ევროკავშირის საბჭო მიიღებს საბოლოო გადაწყვეტილებას.

“არაფერი გააკეთეთ, რომ ბიძინა ივანიშვილი იმ რიგში არ ჩაწერილიყო, თქვენ უნდა მიხედოთ ამ საკითხს” – ზურაბიშვილი