რუსეთის საგარეო საქმეთა მინისტრი სერგეი ლავროვი, ამბობს, რომ სტამბოლში გამართულ მოლაპარაკებების შემდეგ, შეთანხმების ახალ პროექტში, რომელიც კიევმა გუშინ წარადგინა, ადრე შეთანხმებული პოზიციებისგან გადახვევაა.
“გუშინ, უკრაინულმა მხარემ, მოლაპარაკებების ჯგუფს შეთანხმებების თავისი პროექტი წარუდგინა, რომელშიც სტამბოლში გაჟღერებული პოზიციებიდან გადახვევა იკვეთება. მითუმეტეს იმ დოკუმენტიდან გადახვევა, რომელზე უკრაინული დელეგაციის ხელმძღვანელის, დავით არახამიას ხელმოწერაა. შეგახსენებთ, სტამბოლში უკრაინელებმა დაადასტურეს უკრაინის უსაფრთხოების გარანტიები ყირიმსა და სევასტოპოლზე არ გავრცელდებოდა.
გუშინდელ პროექტში კი ეს ფაქტი გამოტოვებულია და საუბარია რაღაც ეფექტურ კონტროლზე, რომელიც 23 თებერვლამდე არსებულ პოზიციებს უკავშირდება, ამასთან უკრაინელები დონბასისა და ყირიმის პრობლემების პრეზიდენტების დონზე გამართულ შეხვედრაზე გატანას ითხოვენ, ყველას გვახსოვს პრეზიდენტ ზელენსკის სიტყვები, რომ ორი ქვეყნის ლიდერის შეხვედრა, შესაძლებელია მხოლოდ და მხოლოდ საომარი მოქმედებების დასრულების შემდეგ შედგეს”
შეგახსენებთ, რუსულმა მხარემ უკრაინის პირობების მიღებაზე არაერთხელ განაცხადა უარი და მიუხედავად იმისა, რომ კიევის შემოგარენიდან ჯარის გაყვანაზე დაიწყო საუბარი, რეალურად, ჯარის გადაჯგუფების მცდელობა დაიწყო უკრაინაში. სამხედრო ექსპერტები პროგნოზირებდნენ, რომ რაც უფრო გაიმყარებდა უკრაინა პოზიციებს და რაც მეტად გაწელავდა რუსეთი უკრაინის პირობებზე დათანხმებას, მით მეტად გამკაცრდებოდა უკრიანის პირობები. შეგახსენებთ იმასაც, რომ რეალურად, ზელენსკი პირიქით ამბობდა და ყოველთვის ითხოვდა, შეხვედროდა მას პუტინი, ისიც კი შეუთვალა, რომ “არ იკბინება” და ამბობდა, რომ რადგან მხოლოდ პუტინს შეუძლია ომი დაამთავროს, ამიტომ უნდა შედგეს მასთან შეხვედრა. რაც შეეხება ომის შემდეგ შეხვედრად – ზელენსკის პირობა ასე ჟღერდა – მას შემდეგ, რაც რუსეთი გაიყვანდა თავის ჯარს, პუტინი უნდა შეხვედროდა პუტინს და მხოლოდ ამის შემდეგ უნდა ესაუბრათ ნეიტრალიტეტზე, რომელი ნეიტრალიტეტის პირობებიც, რეალურად, რუსეთისთვის, ექსპერთა შეფასებით, კაპიტულაციის აღმნიშვნელია.
კომენტარები