დღეს, “ტაბულას” დამფუძნებელმა, თამარ ჩერგოლეიშვილი, სოციალური ქსელით უპასუხა პოლიტიკოსს გიგი უგულავას წერილს, სადაც დავით კეზერაშვილზეც ისაუბრა და თქვა:
“საპრეზიდენტო არჩევნების პირველ ტურში ნაციონალური მოძრაობის შედეგი რომ ნახა, ჩათვალა, რომ მიშა მოდის – ამიტომ აიღო და კეზერაშვილის დავალებით ეს პარტია მიშას უკან მიართვა (თავისი ხელიდან სცადა).
…
მარცხის შემდეგ, იფიქრა ინდივიდუალური გადარჩენის რეჟიმი უნდა ჩავრთოო და სააკაშვილთან, კიევში გაიქცა, კეზერაშვილთან ერთად სააკაშვილისთვის გზის გასუფთავების, ბოკერიას პოლიტიკიდან გაქრობის და ევროპული საქართველოს დე-ფაქტო ლიკვიდაციის გეგმა დასახა – მაგრამ როგორც ლუზერს, ეს გეგმაც ჩაეშალა.
…
ახლა ამ თემას, კეზერაშვილის ძალისხმევით, ხელოვნურად მედია აწევს – დასვამს პოლიტიკურ სპექტრს და ამ ტრუხა კაცის ბოდვებზე ამსჯელებს.”
კომენტარებში ჩერგოლეიშვილს კეზერაშვილზე უსვამენ კითხვებს, რასაც ასე პასუხობს:
“ფულს ის (კეზერაშვილი) ხარჯავს. ჭკუა უგულავას არ გააჩნია, ამიტომ ფული ძალიან სჭირდება. მისი (კეზერაშვილის) ქმედებები ბიძინა ივანიშვილს აძლიერებს.
მე იმ წარსულს არ ვეხები, რომელიც ერთი გვქონდა.თუ ეგ რამეს უკანონოდ გადააჯდა, ჩვენი წილი პოლიტიკური პასუხისმგებლობა ყველას გვაქვს, სანამ ერთ გუნდში ვიყავით სხვადასხვა ფორმით.
არ ყოფილა (კეზერაშვილი) ჩვენი პარტიის მხარდამჭერი, თურმე თავის პროექტად მიიჩნევდა ამ პარტიას და როცა მიშასთან დალაგდა, ლიკვიდაცია გადაწყვიტა ბოკერიას მიყოლებით. (ჯუნიორ ვაშაძეს აკეთებინებდა hostile takeover -ს, იმიტომ რომ იმასაც ფულს აძლევდა და ბარემ აერთიანებდა ორ პროექტს – რატომღაც ჩათვალა რომ ეს შეუძლია, კუკუ). ვერ მიხვდა, რომ ჩვენ პოლიტიკა გვაინტერესებს და არა მაიმუნობა და ამ ქვეყნის სამშვიდობოს გაყვანა, სერიოზულად გვინდა.
თავისთავთან არის მეთქი. ნაცებშიც არის, მაგრამ ახლა ნაცებს ერხევათ, ამას ნებისყოფა სად აქვს რომ ნაცებს დაეხმაროს, არ დაერხეთ, ამიტომ ახალ შანსებს ეძებს, რაზეც იმედებს ააგებს და შფოთვას ჩაუცხრობს. პროპორციული არჩევნებიც ეგრე გაიგო, ბევრგან ყოფნად – ვერ ხვდება არსს. ვერ ხვდება რომ არანაირ ცალკე გაერთიანებას აზრი არ აქვს, თუ რეალურად სააკაშვილის საფრთხეს არ დაუპირისპირდა.”
კომენტარები