„კლინიკა “რუსთავის “ირგვლივ დიდი ხანია ისმის საშინელი ისტორიები, პაციენტების მიმართ არაადამიანური მოპყრობის შესახებ და ახლა უკვე გარდაცვლილებზეც გადავიდნენ!“

კლინიკა „რუსთავში“ მიცვალებულები აერიათ. ამის შესახებ სოციალურ ქსელში ჟურნალისტი თეა წიკლაური წერს. 

„კლინიკა რუსთავში მიცვალებული შეგვიცვალეს!!!! ბებო ჩემო იშვიათი ბებო ძალიან მიჭირს, წარსულით ლაპარაკი, შენ მომავლის გმირი ხარ!! ჯერ ჩვენ უნდა გვქონოდა ყველაფერი, მერე თვითონ და სხვა დანარჩენს;

ჩვენით ხედავდი ირგვლივ ყოველივეს, 9 წლიდან 89 წლამდე შენი ხელ-ფეხი არ გაჩერებულა, 1 ლარიც არ გითხოვია არავისთვის, ერთი წუთიც კი არ წაგირთმევია ჩვენთვის, ერთი საყვედური არ გამიგია შენგან, პირიქით, სულ ცდილობდი შენით მოგეგვარებინა და სარგებელი მოგეტანა შვილებსა და შვილიშვილებისთვის და ასეც იყო!!! თავის ნაშრომსა და ყველა წუთს რომ აფასებდა, ამიტომ აფასებდა ჩვენსას.

ამაგი, ზრუნვა, სიყვარული, ერთგულება, გულწრფელობა, და დიდი იუმორი ეს იყო შენი ბუნება და ამ გარემოში გავიზარდეთ, შენი მონაგრი… ჩემო ფუტკარივით მშრომელო ბებო, როგორ ვაპატიო კლინიკა „რუსთავს“ შენი გატაცება, დღემდე ვერ გავარკვიე, იქ კრიმინალები არიან თუ მედპერსონალი, უპასუხისმგებლო, უტვინო, უთავმოყვარეო, ყველა სფეროშია, მაგრამ ეს რაც რუსთავის საავადმყოფომ გააკეთა ამას სახელი არ აქვს.

კლინიკა რუსთავში გარდაიცვალა ბებო, დაგვირეკეს „დიდი მწუხარებით“ და სანამ თბილისიდან რუსთავში ჩავედით, სხვას გაატანეს „ყასბები“. ხელცარიელს ხომ არ გამოგვიშვებდნენ…. სხვისი მიცვალებული გამოგვატანეს“, – წერს თეა წიკლაური. 

ჩასწორება:

კლინიკა “რუსთავი” განცხადებას ავრცელებს, რომელაც უცვლელად გთავაზობთ:

“სოციალურ ქსელში და მედიაში გავრცელდა ინფორმაცია, რომ “კლინიკა რუსთავში” მოხდა გარდაცვლილი პაციენტების ცხედრების არევა.

აღნიშნულ საკითხს გავეცანით და მოგახსენებთ, რომ სამწუხაროდ გასული წლის დეკემბრის თვეში ერთ დღეს, დაახლოებით ერთნაირი ასაკის მქონე ორი ქალბატონი გარდაიცვალა. ორივეს ოჯახის წევრს ეცნობათ და ადგილზე მოსვლის შემდეგ, ერთ-ერთი გარდაცვლილის შვილმა პირადად ნახა გარდაცვლილი დედა და დაადასტურა, რომ ნამდვილად მისი ოჯახის წევრი იყო.

აქვე აღსანიშნავია, რომ გარდაცვლილი ქალბატონების საკაცეს მითითებული ქონდა მონაცემები(სახელი და გვარი). რის შემდგომაც გაფორმდა საბუთები, ორივე ოჯახმა მოაწერა ხელი და მოხდა გარდაცვლილების გადასვენება კლინიკიდან…”