“უკრაინაში რუსეთის შეჭრის შემთხვევაში, “ჩრდილოეთის ნაკადი 2“ შეჩერდება” – აშშ-ის სახელმწიფო მდივნის მოადგილე

აშშ-ის სახელმწიფო მდივნის მოადგილემ, ვიქტორია ნულანდმა, განაცხადა:

„ჩვენ განვაგრძობთ მჭიდრო და მკაფიო მოლაპარაკებებს ჩვენს გერმანელ მოკავშირეებთან. მინდა ღიად გითხრათ: თუ რუსეთი უკრაინაში შეიჭრება, „ჩრდილოეთის ნაკადი 2“ წინ აღარ წაიწევს“

აშშ-ის სახელმწიფო მდივნის მოადგილის თქმით, უკრაინის გარშემო დაძაბულობის ესკალაციის შემთხვევაში, აშშ და მოკავშირეები რუსეთს სწრაფ და მტკიცე პასუხს გასცემენ.

მანამდე აშშ-ის სახელმწიფო დეპარტამენტის ოფიციალურმა წარმომადგენელმა, ნედ პრაისმა განაცხადა, რომ გაზსადენი „ჩრდილოეთის ნაკადი 2“ წინ აღარ წაიწევს, თუ რუსეთი უკრაინაში შეიჭრება.

გერმანიის საგარეო საქმეთა მინისტრმა, ანალენა ბერბოკმა განაცხადა, რომ რუსეთის უკრაინაში შეჭრის შემთხვევაში, საპასუხო ზომები გაზსადენ „ჩრდილოეთის ნაკად 2“-საც შეიძლება შეეხოს.