16 მილიონი პროკურატურის ახალი შენობის ასაშენებლად – “არცერთ შემთხვევაში არ დგას პროკურატურის ახალი შენობის მიზანშეწონილობა”

საქართველოს ხელისუფლების გადაწყვეტილებით,  პროკურატურის ახალი შენობის ასაშენებლად ბიუჯეტიდან 16 მილიონი დაიხარჯება.  მუნიციპალური განვითარების ფონდმა ტენდერი უკვე გამოაცხადა.

უწყების ახალი ნაგებობა საქალაქო სასამართლოს უკან აშენდება.

კორუფციის მკვლევარი. ბესიკ დონაძე, მედიასთან ამბობს:

“რა თანხითაც არ უნდა აშენდეს, ეს იქნება საბიუჯეტო თანხა, გრანტი, თუ გრძელვადიანი სესხი, არცერთ შემთხვევაში არ დგას პროკურატურის ახალი შენობის მიზანშეწონილობა, რადგან ეს არის ინსტიტუცია, რომელსაც საქართველოში ნდობა აქვს ნულოვანი, ამას ემატება ის, რომ საკმაოდ გამართული ინფრასტრუქტურა აქვს, რომელშიც არიან. ეს 16 მილიონი თავისუფლად შეიძლება, მოხმარდეს ნებისმიერ ისეთ პროექტს, რომელიც სიკეთეს მოუტანს საქართველოს მოსახლეობას”