“მოუცლელი” პაპუაშვილი და ევროპარლამენტართა ჩაშლილი ვიზიტი – დეტალები

საქართველოში ევროპარლამენტარების ვიზიტი, რომელიც 21–22 იანვარს იყო დაგეგმილი – გაუქმდა.

ევროპარლამენტარების, ვიოლა ფონ კრამონის, მარინა კალიურანდისა და მირიამ ლექსმანის განცხადებაში, წერია:

“როგორც ჟან მონეს დიალოგის ფასილიტატორები ჩვენ ვწუხვართ, რომ 21–22 იანვარს თბილისში დაგეგმილი ვიზიტი არ გაიმართება, რადგან შალვა პაპუაშვილმა დრო ვერ გამონახა, რომ ჩართულიყო.

ჟან მონეს დიალოგის პროცესი მოქნილი და ნაცადი ინსტრუმენტია, ვწუხვართ რომ ამ საჭირო პროცესის წამოწყებისთვის აუცილებელი პოლიტიკური პირობები ამ ეტაპზე არ დაკმაყოფილდა”

როგორც ევროპარლამენტართა განცხადებაში წერია, შეხვედრა წინასწარ იყო დაგეგმილი. რა გადაუდებელი საქმე გამოუჩნდა პაპუაშვილს, რომ წინასწარ დაგეგმილი ვიზიტი გააუქმებინა დასავლელ კოლეგებს – უცნობია.