8-10-12 – ვინ რამდენი დღე უნდა დარჩეს იზოლაციაში? – კარანტინის ვადები იცვლება

დაავადებათა კონტროლის ცენტრის ხელმძღვანელის, ამირან გამყრელიძის თქმით, კონტაქტირებული და ინფიცირებული ადამიანებისთვის იზოლაციისა და კარანტინის ვადები შემცირდება. 

კონტაქტირებული, უსიმპტომო პირები იზოლაციას 8 დღეს, სიმპტომიანები კი 10 დღე ექვდემდებარებიან.

ინფიცირებული პაციენტები კი  იზოლაციაში 12 დღე დარჩებიან.

ამირან გამყრელიძე:

გიდასტურებთ, რომ საკარანტინო და იზოლაციის ვადების შემცირებაზე პროტოკოლი დაავადებათა კონტროლის ცენტრს მომზადებული აქვს. ერთი პროტოკოლი უკვე გადაგზავნილია ჯანდაცვის სამინისტროში, კერძოდ, კონტაქტირებულ პირებზე. დღეს ასევე გადაიგზავნება ინფიცირებული პირების. დღეს ან ხვალ მოხდება ერთობლივი განხილვა ჯანდაცვის სამინისტროს შესაბამის სტრუქტურებთან და მერე მინისტრის ბრძანებით დამტკიცდება. გიდასტურებთ, რომ შემცირდება ვადები როგორც კონტაქტირებულებისთვის, ისე ინფიცირებულებისთვის გონივრულ და აღსრულებად ვადამდე”