“მივმართავ კახა კუჭავას, იგი ერკვევა ადამიანის უფლებებში…” – ნიკა გვარამია

მიხეილ სააკაშვილის ადვოკატი ნიკა გვარამია პარლამენტის თავმჯდომარეს, კახა კუჭავას მიმართავს და ამბობს:

მე მინდა მივმართო საქართველოს პარლამენტის თავმჯდომარეს, ბატონ კახა კუჭავას, რომელიც რამდენადაც ჩემთვის ცნობილია, ერკვევა საერთაშორისო სამართლის ნორმებში და ასევე ადამიანის უფლებებში, მივმართავ მას – როგორც ამ ქვეყნის უმაღლესი საკანონმდებლო ორგანოს უმაღლესი თანამდებობის პირს, მიუხედავად ჩვენი ურთიერთდამოკიდებულებისა თუ პოლიტიკური პოზიციებისა – შემიშვან პატიმართან. პარლამენტის თავმჯდომარემ მაინც მიპასუხოს რა ხდება და როდის შევძლებ მიხეილ სააკაშვილის ნახვას. ჩვენ გვაქვს ძალიან ცუდი ეჭვები და მე მინდა დავრწმუნდე, რომ ეს არ არის სიმართლე და გავფანტოთ ეს ეჭვები. თქვენს ინტერესებშიც შედის ეს ყველაფერი. ამას გარდა, მე მჭირდება პატიმრის ჩვენება რომ დავაოქმო ხვალ დილის სტრასბურგის სასამართლოსთვის გასაგზავნად. ძალიან გთხოვთ, გაარკვიოთ ეს საკითხი და უთხრათ, მისცეთ განკარგულება შესაბამის პირებს, ან თუ თქვენს კომპეტენციაში ეს არ არის, ყოველშემთხვევაში, მიპასუხოთ უარით – მე მჭირდება პატიმრის, პაციენტის ნახვა, რომელთან დაკავშირებითაც მაქვს ინფორმაცია, რომ იყო ძალადობის მსხვერპლი. თუ ეს ასე არ არის, გამოვალ და ამას ვიტყვი, რომ ასე ეს არ არის. – ამბობს ნიკა გვარამია.