“შემოდიან და ამოწმებენ, ხომ არ მოვკდი“ – “ტვ პირველის” ინტერვიუ ციხეში მყოფ მიხეილ სააკაშვილთან.
“დილიდან განსაკუთრებულად ცუდად ვარ, დილით ადგომაც მიჭირს. ანალიზებში კრიტიკული ონაცემების დავარდნის გამო, კალიუმი გადამისხეს, ორჯერ და ცხოვრებაში პირველად მქონდა ჰიპეტონული კრიზი.
როცა ვიდეოკამერაში ხედავენ, რომ გაუნძრევლად დიდი ხნით ვწევარ, შემოდიან და მამოწმებენ, ხომ არ მოვკვდი უკვე…
ეს არის კლასიკური წამება…
მე ვიცი, რას დავუპირისპირდი – ბოროტებას, სუფთა სახით.. ბოროტებაა, როცა სხვას უსურვებ სიკვდილს…
ამასწინათ, ჩემმა მეგობრებმა დინამიკებიანი სატვირთო მანქანა მოაყენეს ციხეს და ჩემი საყვარელი სიმღერები – ცაბაძე, ლაღიძე, ლეგრანი, სტინგი, მომასმენინეს…
მე ავძვერი რადიატორზე, რათა უკეთესად გამეგონა…
ფანჯრიდან ჩემი გამოხედვის და ხელის დაქნევის შემდეგ, მგონი ციხის დირექტორი მოხსნეს, ვინაიდან მას შემდეგ აღარ მინახავს
ამდენ ლაყბობას, ერთხელ გამომიყვანონ ტელეკამერების წინ და ხალხი თვითონ მიხვდება ჩემს მდგომარეობას…
მე არ ვიცნობ ისტორიაში ასეთ მაგალითს, რომ რომელიმე ქვეყნის ხელისუფალს თავისი მოწინააღმდეგის ვიზუალის და ხმის ასე ეშინოდეს. აპირებენ უხმაუროდ, ჰაერით გადაყვანას, ზუსტად ისე, როგორც მომექცა პორპშენკო უკრაინაში, რომ მხარდამჭერებს არ გავეთავისუფლებინე.
ჩემი მეგობარი ლეხ კაჩინსკი ხშირად მიმეორებდა, განსხვავება ევროკავშირის წევრობასა და თქვენ მდგომარეობას შორის ისაა, რომ მე პრეზიდენტობის დროს არავინ შემეხება და შენ პრეზიდენტობის დროს შეიძლება მოგკლანო. ის ცდებოდა, მოკლეს კაჩინსკი პრეზიდენტობის დროს, იმისთვის, რომ 2008 წლის აგვისტოში ჩამოვიდა საქართველოში და რუსეთს წინ აღუდა და თუ ევროკავშირის პრეზიდენტს მისწვდა პუტინი, მე მასზე დიდი სამიზნე ვიყავი და აი, ახლა ვარ იმ მდგომარეობაში, რომელიც მიწინასწარმეტყველა ევროკავშირის დიდმა პრეზიდენტმა…”
კომენტარები