საქართველოს პარლამენტის თავმჯდომარის კახა კუჭავას განცხადებით, პარტია „დროას“ ლიდერის ელენე ხოშტარია მონახულების მიზანი მისი ჯანმრთელობის მდგომარეობის გაგება და იმით დაინტერესება იყო, აქვს თუ არა მას ყველანაირი პირობა. ამასთანავე, როგორც კუჭავამ შეხვედრის დასრულების შემდეგ ჟურნალისტებთან განაცხადა, პარლამენტში მუშაობს ექიმი, რომლისთვის მიმართვა ხოშტარიას ნებისმიერ დროს შეეძლება და თავად ის, როგორც პარლამენტის თავმჯდომარე, ასევე იქნება კავშირზე.„უბრალოდ მოვინახულე, მაინტერესებდა ჰქონდა თუ არა ყველანაირი პირობა. მინდა ყველამ იცოდეს, რომ პარლამენტში მთელი დღის განმავლობაში ექიმი მუშაობს და თუ საჭირო იქნება, გამოყენებული იქნება მისი მომსახურებაც. უბრალოდ მაინტერესებდა თუ რამე პირობები აკლდა. ის ყველაფრით არის კმაყოფილი და ხაზზე ვიქნები თუ საჭირო იქნება.” – განაცხადა საქართველოს პარლამენტის თავმჯდომარემ კახა კუჭავამ, პარტია „დროას“ ლიდერის ელენე ხოშტარია მონახულების შემდეგ ჟურნალისტებთან საუბარში.
ცნობისთვის, კახა კუჭავა “დროას” ლიდერ ელენე ხოშტარიას, რომელიც პარლამენტში მესამე დღეა შიმშილობს, დახურულ კარს მიღმა, მედიის გარეშე შეხვდა.შეხვედრას მოგვიანებით “ლელოს” დეპუტატი ანა ნაცვლიშვილი და რესპუბლიკური პარტიის თავმჯდომარე, დეპუტატი ხათუნა სამნიძე შეუერთდნენ.
ელენე ხოშტარია, მიხეილ სააკაშვილის საქალაქო საავადმყოფოში გადაყვანის მოთხოვნით შიმშილობს, როგორც მან ჟურნალისტებთან საუბარში განაცხადა კუჭავასთან შეხვედრის შემდეგ, თუ შიმშილობა მოკლე დროში შედეგს არ გამოიღებს არ არის გამორიცხული უფრო მძიმე ფორმებს მიმართოს.
კომენტარები