„სტუდია მონიტორის“ შეკითხვებით გაღიზიანებულმა მიტროპოლიტმა ნიკოლოზ ფაჩუაშვილმა საპატრულო პოლიცია გამოიძახა. იგი ითხოვდა, რომ პატრული მყისიერად მისულიყო – “ამწუთას მოვიდეს პატრული! არ იგინებიან, მაგრამ… მინდა შეწყვიტონ კითხვების დასმა”
“სტუდია მონიტორის” ინფორმაციით, ჟურნალისტურ გამოძიებაზე მუშაობისას, მათ კითხვები დაუსვეს მეუფე ნიკოლოზსაც. ვიდეოში ჩანს, რომ მთელი ის პროცესი, როცა მეუფე ნიკოლოზი იძახებდა პოლიციას, ესაუბრებოდა პოლიციას და აპროტესტებდა ჟურნალისტის იქ ყოფნას, აპროტესტებდა ჟურნალისტის კითხვის დასმას და და ბოლოს აპროტესტებდა მის ხმასაც კი და ითხოვდა, მის დასჯას (?), მას მედიის მიკროფონი ჰქონდა ტანისამოსზე დამაგრებული და მხოლოდ შემდეგ დააბრუნა, როცა გადაწყვიტა, რომ უნდა დაესრულებია საუბარი.
მეუფე პატრულს განუმარტავს, რომ ჟურნალისტი მას არ აგინებს, მაგრამ მაინც ითხოვს სამართალდამცველების მისვლას, რადგან, მისივე თქმით, ჟურნალისტი მას ბევრ კითხვას უსვამს. რა მოლოდინი ჰქონდა მეუფეს და რატომ ჩათვალა, რომ ჟურნალისტს ამის გამო დააკავებდნენ, უცნობია, ისევე, როგორც, ვიდეოს მიხედვით, გაუგებარია, რატომ არ მოიხსნა მან მიკროფონი და დატოვა ჟურნალისტი, თუ მასთან საუბრის გაგრძელება არ სურდა.
მეუფე ნიკოლოზმა საპატრული ეკიპაჟსაც უსაყვედურა დაგვიანებით მისვლისთვის: “ამდენი ხანი რატომ არ მობრძანდით, მართლა დანაშაული რომ ხდებოდეს? ამასობაში კაცს რომ კლავდნენ, მოკლავდნენ… მე არ ვიცი, კანონი როგორ არეგულირებს. მე შემოვიყვანე მონასტრის ტერიტორიაზე, დაიწყეს ფსიქოლოგიური ზეწოლა.”
კომენტარები