ფოტო – ოდიშინიუსი
“ოდიშინიუსის, ინფორმაციით, სოხუმელმა ბლოგერმა გიორგი ჯახაიამ მოიპოვა ოჩამჩირის სოფელ ახალდაბაში ქართველთა დახოცვის ამსახველი კადრები, რომლებიც თავად ბოევიკების მიერაა გადაღებული.
“არ დაგენანათ?” – ეკითხება ოპერატორი ერთერთ ბოევიკს ვიდეოში.
“ხალხი კი გვენანება, მაგრამ ისინი არა!”, – პასუხობს ბოევიკი.
“ისინი, ანუ ვინ?”
“ქართველები, რასაკვირველია!”.
მას შემდეგ, რაც 1993 წლის 16 სექტემბერს საბრძოლო მოქმედებები განახლდა და სოხუმის შტურმი დაიწყო, ოჩამჩირე-სოხუმის საავტომობილო ტრასის გადაკეტვის და მასზე კონტროლის აღების მიზნით, აფხაზი და ჩრდილოკავკასიელი ბოევიკები ალყაში მოქცეულ სოფელს ორი დღის განმავლობაში უტევდნენ და ბოლოს აიღეს. ეს რამდენიმე დღით ადრე მოხდა, სანამ სოხუმი დაეცემოდა.
აფხაზურმა მხარემ სოფელში მცხოვრები კაცები, ქალები, მოხუცები და ბავშვები – სულ 500-დე ადამიანი მძევლად აიყვანა და ქართულ მხარეს შეუთვალა, რომ თუ არმია ოჩამჩირიდან სოხუმისკენ დაიძრებოდა, მძევლებს დახვრეტდნენ. იმის მიუხედავად, რომ ოჩამჩირეში დარჩენილი ქართული არმია არ დაძრულა სოხუმისკენ, ახალდაბაში მძევლებად აყვანილები მაინც დახვრიტეს.
წყარო – ოდიშინიუსი
ლაშა ბერულავა, ოდიშინიუსის რედაქტორი, წერს:
“კადრები-მტკიცებულება, რაც აქამდე არ გვქონია და რასაც გიორგი ჯახაიას უნდა ვუმადლოდეთ, რომ იპოვა.
ახალდაბიდან ყარყარაშვილმა სოხუმისკენ 500 მებრძოლი გადაიყვანა 25 სექტემბერს, მათ შორის ავღანელთა რაზმი და მოხალისეები. კოდორი გადავლახეთ და მერე სანაპიროთი. მაგრამ სოხუმს ამ 500 კაცმა ვერ უშველა.”
“ალია” გასაგებ მიზეზთა გამო, ვერ დაადგენს ვიდეოს ავთენტურობას, იმედია, შესაბამისი სამსახურები ვიდეოს ექსპერტიზას ჩაატარებენ და მას საქართველოს პარტნიორ ქვეყნებს ოფიციალურად გააცნობენ.
კომენტარები