“შეიძლება ეს ორი ვაქცინა ერთ დღეს გაიკეთო, ერთ მკლავზე – ერთი, მეორე მკლავზე – მეორე, მაგრამ…” – გამყრელიძე

დაავადებათა კონტროლის ხელმძღვანელი, ამირან გამყრელიძე, “პალიტრა ვიდეოსთან” ამბობს:

“შეიძლება გრიპის ვაქცინა და კოვიდის ვაქცინა ერთ დღეს გაიკეთო, ერთ მკლავზე ერთი, მეორე მკლავზე მეორე, მაგრამ თუ ფაიზერი გაკეთებული გაქვს უკვე, შეგიძლიათ ერთი კვირის, ორი კვირის შემდეგ, გრიპის ვაქცინა გაიკეთოთ.

მეხუთე ტალღა აუცილებლად იქნება ყველგან მთელ მსოფლიოში და ჩვენთაგაც, თუ ავიცრებით მაქსიმალურად კარგად, მეხუთე ტალღა იქნება შედარებით მსუბუქი, თუ არადა იქნება – მძიმე. მეხუთე ტალღას, დიდი ალბათობით, უნდა ველოდოთ ნოემბრის ბოლოდან.”