“ალბათ, სუსის უფროსი ლილუაშვილიც მას შემდეგ წავიდა ხელიდან რაც გახარია – პრემიერობიდან” – ზურაბ ჯიბღაშვილი

სამართლის დოქტორი, შავი ზღვის საერთაშორისო უნივერსიტეტის ასოცირებული პროფესორი, ზურაბ ჯიბღაშვილი:

“გახარია და მისი წარმომადგენლები რაც მეტს ლაპარაკობენ, არაკვალიფიციურობასთან ერთად, მით მეტად ამტკიცებენ, რომ საშიშები არიან. სახელმწიფოდან ადამიანისკენ და არა ადამიანიდან სახელმწიფოსკენ რომ ტოტალიტარიზმია, ამას პირველკურსელები ზუსტად და შინაარსობრივად ითვისებენ, ესენი კი ვერა. ინსტიტუტები რკინა-ბეტონის შენობებზე მეტი მართლა არ ჰქონიათ. სერიოზული სახით გვიმტკიცებენ, რომ თურმე სახელმწიფოსათვის საფრთხე ამ ინფორმაციის გაჟონვაა და არა მათი შექმნა და არსებობა. მაგათი აზრით, ალბათ სუსის უფროსი ლილუაშვილიც მას შემდეგ წავიდა ხელიდან რაც გახარია – პრემიერობიდან. მანამდე თურმე არ აფუჭებდა ამ ყველაფერს.

ამ ათასჯერ სახელგადარქმეულ КГБ-ს არანაირი რეორგანიზაცია არ უშველის. ორი დღეა, ანდროპოვი და მილკე ტივტივებენ გონებაში. ამ სუსის ლიკვიდაციას და სრულიად ახალი სამსახურის შექმნას ალტერნატივა არ უნდა ჰქონდეს თუ სახელმწიფო გვინდა.

ისე ეს ღარიბაშვილიც თუ რამეს “პასუხს გასაცემად” სთვლის, არჩევნები რა ხელს უშლის?! ეს ისე რიტორიკულად.”