“გადახედეთ, ვის ჰქონდა 1,5 მილიონი დოზა „ფაიზერი“? მთავარია მოსახლეობის დამყოლობა” – გამყრელიძე მედიას

წინა თვეებს თუ შევადარებთ, ვაქცინაციის ტემპი გაზრდილია, – ამის შესახებ დაავადებათა კონტროლის ცენტრის ხელმძღვანელმა, ამირან გამყრელიძემ დღეს, საკოორდინაციო საბჭოს სხდომის დასრულების შემდეგ განაცხადა.

„გაზაფხულზე მოთხოვნადი ვაქცინის დეფიციტი იყო. გადახედეთ, ჩვენი განვითარების დონის ქვეყნებს ვის ჰქონდა 1,5 მილიონი დოზა „ფაიზერი“. ახლა მიმდინარეობს „ფაიზერის“ დამატებით დოზებზე მოლაპარაკება კომპანიასთან და სხვა დონორებთან. ძალიან მოთხოვნადია „სინოფარმი“. შემოვიტანთ ამ ვაქცინის დამატებით დოზებს. აქ მთავარია მოსახლეობის დამყოლობა. აქ მთავარი როლი ეკისრება მედიას, რომ საზოგადოებას ვაქცინაციისკენ მოუწოდოს, მოგვეხმარეთ. მე მაქვს დღეში ორი დიდი ონლაინ შეხვედრა, რომ ადამიანები დავარწმუნოთ ვაქცინაციის სიკეთეში, რომ ამაზე გადის პანდემიის დამარცხების გზა“