“არ დამიმალავს, რომ ქართულ ოცნებას პატივს ვცემ…” – გამყრელიძე

დაავადებათა კონტროლის ცენტრის ხელმძღვანელის, ამირან გამყრელიძის თქმით, მას არასდროს დაუმალავს, რომ ქართულ ოცნებას “პატივს სცემს”. ამის შესახებ მან გადაცემა პოლიტმეტრში ისაუბრა. 

“ორმაგ სტანდარტს მე არასოდეს არ ვთამაშობ, არაფერი მე არ დამიმალავს, რომ ქართულ ოცნებას პატივს ვცემ. ქართული ოცნების პირობებში დაავადებათა კონტროლის ცენტრი, რომელსაც მე უკვე 8-9 წელია ვხელმძღვანელობ, გახდა ქვეყნის ერთ-ერთი სერიოზული და მოწინავე დაწესებულება. დაუბრუნდა მას ლუგარი, რომელიც წართმეული იყო. დაავადებათა კონტროლის ცენტრი გახლავთ სწორედ წამყვანი და ერთ თვეში გამოქვეყნდება მნიშვნელოვანი შედეგები C ჰეპატიტის ელიმინაციის.”

დაავადებათა კონტროლის ცენტრის ხელმძღვანელი ამბობს, რომ პოლიტიკურ შეფასებებს არ აკეთებს. მან არაფერი თქვა ქეიფთან დაკავშირებით პრემიერმინისტრის კომენტარის შესახებ. ასევე, მან არ გააჟღერა რეკომენდაცია მძიმე ეპიდემიოლოგიური ვითარების ფონზე არჩევნების ჩატარებასთან დაკავშირებით და აღნიშნა, რომ საკუთარ რეკომენდაციას საკოორდინაციო საბჭოს მოახსენებს.