(ვიდეო) – მაღალჩინოსნისგან ჟურნალისტი ელოდებოდა ბავშვს და ივანიშვილმა მას მუცელი მოაშლევინა? – სუს-ის საიდუმლო ჩანაწერები

“მთავარი არხის” დამფუძნებელი ნიკა გვარამია გადაცემაში “მთავარი აქცენტები” საუბრობს:

ადამიანები, ვინც თავისუფლად სუნთქვის მტერია ამ ქვეყანაში, ემსახურება ბიძინა ივანიშვილს და უმძიმეს დანაშაულებს ჩადის – სახელმწიფო უსაფრთხოების სამსახურის უფროსი გირგოლ ლილუშვილი, სახელმწიფო უსაფრთხოების სამსახურის უფროსის მოადგილე ლევან ახობაძე… ეს ადამიანი 2020 წელს იყო სუდ-ის ხელმძღვანელი და ამის შემდეგ ის დააწინაურეს დანიშნეს სუს-ის უფროსის მოადგილედ… და მესამე, სუს-ის ოპერატიულ-ტექნიკური სააგენტოს დირექტორი კოკა კობიძე

მიმდინარე წლის 17 ივნისს, 23:31 საათზე, საქართველოში ამა და ამ ელჩის თანაშემწე ნ დაუკავშირდა მეგობარ ე-ს. რომელსაც გაუცხადა, რომ ახლახან ესაუბრა თ-ს, რომელიც კონკრეტულ პირთან ერთად პოლიტიკაშია, რაზეც ე-მ ირონიულად აღნიშნა, რომ თ არამარტო პოლიტიკაშია მასთან ერთად. ე-მ ნ-ს მოუყვა, რომ თ-ს ძმა ორი წლის განმავლობაში დასდევდა, თავიდან მასაც მოსწონდა და ფიქრობდა, რომ ძალიან კარგი ადამიანი იყო…. ეს უბრალოდ იმის საილუსტრაციოდ, რომ საელჩოს თანამშრომლების მოსმენაც მიმდინარეობს

2020 წლის 23 ივლისს ერთ-ერთი პარტიის ორმა წამომადგენელმა ისაუბრა გავრცელებულ ინფორმაციაზე, რომლის მიხედვითაც მაღალი თანამდებობის მქონე პირს კ-ს სასიყვარულო ურთიერთობა აქვს ერთ-ერთ ჟურნალისტს მ-სთან, რომელიც კ-სგან იყო ორსულად და აღნიშნულის შესახებ შეიტყო ბიძინა ივანიშვილმა, რომელმაც მუცელი მოაშლევინა მ-ს.