რა სიცრუე ვრცელდება სოციალურ ქსელში პაატა იმნაძის სახელით? – “ფეიკი და ტყუილია”

საქართველოს პარლამენტის თავმჯდომარის მოადგილემ, დავით სერგეენკომ პლენარულ სხდონმაზე განაცხადა:

„ცოტა ხნის წინ გავრცელდა მედიაში ასეთი ინფორმაცია, თითქოს პაატა იმნაძემ თქვა, რომ ნიღბის ტარება კიდევ უფრო მავნებელია, რადგანაც შიგნით ვირუსი გროვდება – ცალსახად და დადასტურებულად გეუბნებით, რომ ეს არის ფეიკი, ტყუილი ინფორმაცია“

დავით სერგეენკომ ხაზგასმით აღნიშნა, რომ მედიაში დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მოადგილის სახელით გავრცელებული ინფორმაცია რეალობას არ შეესაბამება და ნიღაბი ჰაერ-წვეთოვანი ინფექციის წინააღმდეგ თავდაცვის ერთ-ერთი ძლიერი საშუალებაა.

შეგახსენებთ, სოციალურ ქსელში ვრცელდება ფეიკფოტოები, სხვადასხვა მედიის სახელით, თითქოს, რომელიმე მედიამ გაავრცელა პაატა იმნაძის განცხადება, სადაც ის ამობს, რომ ნიღბის ტარება მავნებელია, ახალი კვლევების მიხედვით და სწორედ, ამიტომ გაუქმდა ღია სივრცეში პირბადის ტარების ვალდებულება.

აქვე გეტყვით იმასაც, რომ დახურულ სივრცეში პირბადის ტარების ვალდებულება არ მოხსნილა.