მსოფლიო ფეხბურთის ლეგენდა, 81 წლის პელემ რუსეთის პრეზიდენტ პუტინს მიმართავს და მოუწოდებს უკრაინაში ომი შეწყვიტოს.
მიმართვა მის ინსტაგრამის გვერდზე გამოქვეყნდა,.
პელე აცხადებს, რომ ძალადობას, რომელიც გრძელდება, არანაირი გამართლება არ აქვს, ეს კონფლიქტი საშინელება და გაუმართლებელია და არაფერი მოაქვს ტკივილის, შიშის და სიძულვილის გარდა.
პელე პუტინს მიმართავს, რომ ამ ყველაფრის შეწყვეტა მის ხელშია, რომელიც 2017 წელს, მოსკოვში შეხვედრისას ჩამოართვა.
პუტინისადმი მიმართვა პელემ მას შემდეგ გამოაქვეყნა, რაც 1 ივნისს, უკრაინის ეროვნულმა საფეხბურთო ნაკრებმა მსოფლიო ჩემპიონატის შესარჩევ მატჩში ანგარიშით 3:1 დაამარცხა შოტლანდიის ნაკრები.
“ომები ერების დასაშორებლად არსებობს და არ არსებობს იდეოლოგია, რომელიც რაკეტების გაშვებას ამართლებს. რაკეტები მარხავენ ბავშვების ოცნებებს, ანგრევენ ოჯახებს და კლავენ უდანაშაულოებს.
მე 80 წელი ვიცხოვრე, მოვესწარი მრავალ ომს, სიძულვილს, უხერხემლო ლიდერების მიერ ჩადენილ მხეცობებს. ეს უნდა დასრულდეს.
ძალიან დიდი ხნის წინ ჩემ თავს შევპირდი, რომ საკუთარ ხმას ყოველთვის მშვიდობისთვის ავიმაღლებდი.
ის ძალა, რომელსაც შეუძლია შეაჩეროს ეს კონფლიქტი თქვენს ხელშია, იმ ხელში, რომელიც ჩამომართვით 2017 წელს მოსკოვში”. – წერს ფეხბურთის ლეგენდა.
კომენტარები