დაავადებათა კონტროლის ეროვნული ცენტრის ინფორმაციით, ხვალიდან, 4 ნოემბრიდან, ქვეყნის მასშტაბით, სეზონური გრიპის საწინააღმდეგო ვაქცინაცია ყველა მოქალაქისთვის უფასო იქნება.
მოქალაქეების იმუნიზაცია Abbott Biologicals B.V.-ის წარმოების, ოთხ-კომპონენტიანი ვაქცინით მიმდინარეობს, რომელიც ერთ-ერთია ჯანმოს მიერ რეკომენდებულ ვაქცინებს შორის. ვაქცინა მორგებულია შტამებზე, რომელთა ცირკულაცია მოსალოდნელია გრიპის სეზონზე.
პროგრამის ფარგლებში, გრიპის ვირუსის საწინააღმდეგო ვაქცინაცია პირველ ეტაპზე რისკ ჯგუფებს ჩაუტარდათ. ამ დროისთვის ქვეყნის მასშტაბით 37 000ზე მეტი მოქალაქე უკვე აიცრა. აცრა ვაქცინაციის სერვისის მიმწოდებელ სამედიცინო დაწესებულებებში 6 თვის ასაკიდანაა შესაძლებელი.
გთავაზობთ დაწესებულებების ჩამონათვალის ბმულს, სადაც აცრას უფასოდ შეძლებთ: ncdc.ge
კომენტარები