“30 ოქტომბრის შემდეგ, შეეცდებიან, რომ სააკაშვილი მოიშორონ” – ხუხაშვილი

პოლიტოლოგი, გია ხუხაშვილი, “მთავართან” ამბობს:

“ოცნებამ” აირჩია ისევ აგრესიულ დღის წესრიგი და ხარკს უხდიან იმ ამომრჩეველს, ვისაც სისხლი სწყურია. დადებით დღის წესრიგს ვერ ქმნიან, მეტი არც ფანტაზია აქვთ.

30 ოქტომბრის შემდეგ, ეს ყველაფერი შეიცვლება და თუ დამაკმაყოფილებელი შედეგი მიიღეს, შეეცდებიან, რომ მიშა სააკაშვილი მოიშორონ საქართველოდან, რადგან მიშა მათთვის არის თავის ტკივილი.

ნაციონალურ მოძრობას კი არ ამთავრებენ, კვებავენ და აძლიერებენ, ნაციონალური მოძრაობა ბევრდება, კი არ ცოტავდება და უფრო მობილიზებული ხდება. ეს ტექსტი რაც იბოდიალა ღარიბაშვილმა, ეს არის ვიღაცის დაწერილი ტექსტი, თუ ატყობთ, აირია, სიმწყობრე დაკარგა, დაავიწყდებოდა, გადახტებოდა… ვიღაცის დაწერილი ტექსტი ვერც დაიზეპირა, რავალია, ყოველ დღე 2 თაბახის დაზეპირება? გაუწყალეს გული, რატომ ავალებენ ისეთ რაღაცას, რაც არ შეუძლია, ყველას რაღაცა ზღვარი აქვს…”