პარტია “დროას” თავმჯდომარე ელენე ხოშტარიამ ბრიფინგზე განაცხადა:
“2021 წელს, როცა თურნავა რომელიც ეკონომიკის მინისტრი იყო, ხელი მოაწერა ურთიერთგაგების მემორანდუმს კომპანია “საქართველოს ბიზნეს ბროკერიჯთან”, რომლის დამფუძნებელიც არის რუსი ოლიგარქი, ოთარ ფარცხალაძის ბიზნეს პარტნიორი რომან ბოკერია. ის, მისი მეუღლე და ოჯახი საქართველოს საწინააღმდეგო მოქმედებებში როგორც ფრენების აღდგენის საკითხში, ისე მუშაობენ რკინიგზის აღდგენაზე. ის საკმაოდ საინტერესო და ბინძური ფიგურაა ჩვენი ქვეყნის წინააღმდეგ და სწორედ ამ კომპანიასთან მოაწერა ხელი მემორანდუმს, სადაც მათ ჰპირდება ლიცენზიებისა და ნებართვების მოპოვებაში ხელის შეწყობას.
ზუსტად ამ რომან ბოკერიასთან ერთად, ოთარ ფარცხალაძე 2022 წელს მოსკოვში აფუძნებს იდენტურ კომპანიას, მოსკოვის ბიზნეს ბროკერიჯს, სადაც ფარცხალაძე არის 5-%-ის მფლობელი. ანუ, ჯერ კიდევ 2021 წელს ნათია თურნავა იყო ჩართული ბინძურ გარიგებებში როგორც ფაცხალაძესთან, ისე რუს ოლიგარქებთან ჩვენი ქვეყნის ინტერესების საზიანოდ. ეს კარგად აჩვენებს, რამდენად დიდია ის პრობლემა, რასაც ჩვენ ფარცხალაძის სანქცირების შედეგად წავაწყდით, რომ ეს აგენტურა არის არა მხოლოდ ფარცხალაძის, არამედ ფარცხალაძე არის აისბერგის წვერი, რომელმაც გახსნა მოღალატეობრივი “ქართული ოცნების” რეჟიმის რუსულ ინტერესებზე მუშაობა”.
შეგახსენებთ, რომ ნათია თურნავამ 19 სექტემბერს სანქციების აღსრულების წესში ცვლილება მიიღო, რომლის თანახმად, აშშ-ის მიერ სანქცირებულ ოთარ ფარცხალაძეს ფინანსურ ანგარიშებზე წვდომა აღუდგა.
კომენტარები