200–მდე ქალის 5 000–ზე მეტი ინტიმური ფოტო – მუქარა და შანტაჟი – დაკავებულია ერთი პირი

სპეციალურმა საგამოძიებო სამსახურმა პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ბრალით, ერთი პირი დააკავა. როგორც საგამოძიებო სამსახურში ამბობენ, გამოძიების მიერ ამოღებულია 200-მდე ქალის 5 ათასზე მეტი ინტიმური შინაარსის ფოტო და ვიდეო მასალა, მათ შორის ფარულად გადაღებული ვიდეოკადრები.

სპეციალური საგამოძიებო სამსახურის ინფორმაციით, დაკავებული პირი სარეკლამო ფოტოსესიისთვის ანაზღაურების სანაცვლოდ ახალგაზრდა გოგოებს იწვევდა, ყალბი სახელი და გვარით ეცნობოდა და ინტიმური ხასიათის ფოტოებს უღებდა.

გარდა ამისა, სპეციალური საგამოძიებო სამსახურის ინფორმაციით, დაკავებულმა პირმა ყალბი პროფილი გააკეთა სოციალურ ქსელში და ამ გზით 19 წლის დაზარებულ გოგოს დახურულ ჯგუფში ფოტოგრაფის თანაშემწედ გაეცნო, დაპირდა რომ ქალის თეთრეულის სარეკლამო ფოტოსესია იქნებოდა კონფიდენციალური, თუმცა შემდეგ აშანტაჟებდა.

ფოტოსესიის შემდეგ ბრალდებული ქალთან კომუნიკაციას ტელეფონის საშუალებით აგრძლეებდა და მის ნათესავებთან პირადი ცხოვრების ამსახველი ინფორმაციის გავრცელებით ემუქრებოდა, თუ არ შეასრულებდა მის მოთხოვნებს – არ შეხვდებოდა, სქესობრივ კავშირს არ დაამყარებდა და ახალი ინტიმური შინაარსის ფოტრო-ვიდეო მასალას არ გადაუგზავნიდა. მას შემდეგ რაც უარი მიიღო, მის სარგებლობაში არსებულ კიდევ ერთ ყალბ პროფილზე საჯაროდ განათავსა ფოტოსესიის დროს დაზარალებულისთვის გადაღებული ერთ-ერთი ინტიმური ხასიათის ფოტომასალა და განაგრძო მუქარა,” – აცხადებენ სპეციალურ საგამოძიებო სამსახურში.