“მთავარი არხის” ეთერში, გადაცემაში “მთავარი აქცენტები” სუსის მოქმედმა თანამშრომელმა თქვა, რომ სახელმწიფო უსაფრთხოების სამსახური უსმენს ყველას, მათ შორის ექიმებსა და ფსიქოლოგებს, რომლებთანაც, მისი თქმით, “სერიოზული, ცნობადი სახეები დადიან”.
“ავიღოთ ფსიქოლოგები, ცალკე დეპარტამენტია ფსიქოლოგების სამსახური და ვინც კი სერიოზული ფსიქოლოგია, ყველა დაერთებული ჰყავთ, იმიტომ რომ იმასთან სერიოზული ცნობადი სახეები მიდიან. ფსიქოლოგს და მის მომსახურებას იწერენ… ავიღოთ მაგალითად ექიმები, ექიმისა და პაციენტების ურთიერთობა, ექიმს უსმენენ… კიდევ არის აბორტები… რამდენიმე სერიოზული ექიმი ვინცაა, აბორტებს ვინც აკეთებენ, ეგენი ჰქონდათ გადაღებული. რამდენიმე ცნობადი პირი იყო დაფიქსირებული, ვიღაცის ცოლი, მეგობარი, ვინც აბორტი გაიკეთა…“
ის ამბობს, რომ სუსი ცენტრალურ საარჩევნო კომისიასაც უსმენს.
“ძირითადად მუშაობენ გადმობირებაზე ვინც ამათი არ არის. გადმობირება იგივე მეთოდებითაა, როგორც ხდება ხოლმე, ფული და შანტაჟი. დაახლოებით 40-კაციანი ჯგუფი მუშაობს მაგაზე… საარჩევნო კომისიაში და ოლქებში მაქსიმალურად აგენტები მუშაობენ. თავმჯდომარე თუ არა, მინიმუმ მოადგილე… თამარ ჟვანიას ირგვლივ ძაან დიდი ფული ტრიალებდა… დიდი ფული გადაუხადეს”
ამბობს იმასაც, რომ სუსი ბიზნესმენების 90%-ს უსმენს. თუ რაღაცაში სჭირდებათ და წააწყდნენ კომპრომატს, ამას ინახავენ”
“დიპლომატებზე არსებობს დეპარტამენტი, ვისზეც ხელი მიუწვდებათ. ნუ ახლა, ელჩების დონეზე არ ჩამოდიან, ხელმძღვანელებისთვის ცალკე VIP დეპარტამენტია. საელჩოს ყველა თანამშრომელი, მისია, კვლევებს ვინც ატარებს, მაგათთვისაც ცალკე სამსახურია შექმნილი და ძალიან დიდი მოცულობით ინფორმაციას აგროვებენ:
მისი თქმით, ისმინებიან მთავრობისა და პარლამენტის წევრებიც.
ცალკე არის ციხე. არის კიდევ სამოქალაქოზე ვინც მუშაობს, ისეთი. მნიშვნელოვანი ტიპების ადვოკატები… ცალკე დეპარტამენტია სასამართლოსი და პროკურატურის. ადვოკატების 3 სამსახურია დაახლოებით. არის ქართული ოცნების მოსმენის სამსახურიც…
სახელმწიფო უსაფრთხოების სამსახური უსმენს მედიასაც.
თუმცა, ყველაზე დიდი რესურსი, მისი თქმით, სწორედ პოლიტიკოსების მოსმენაში იხარჯება.
“ეს კომპიუტერი, სადაც ეგ ინფორმაცია ინახებოდა, არსად არ არის მიერთებული. ჩვეულებრივად ნემსაძის კაბინეტში იყო ეგ კომპიუტერი, ყველა მიდიოდა და თავის ნამუშევარს იქ ტვირთავდა“.
კომენტარები