ცენტრალური გზების გაწმენდაში მთავრობა წლის განმავლობაში 127 მილიონს ხარჯავს. ამის მიუხედავად, ქვეყანაში მცირე თოვლმა პრობლემები და სატრანსპორტო კოლაფსი შექმნა. კორუფციის მკვლევარებმა გაარკვიეს, რომ კომპანიების დიდი ნაწილი, რომელიც აღნიშNნულ თანხებს იღებს, “ქართული ოცნების” შემომწირველები არიან. სპეცალისტები მიიჩნევენ, რომ ხელისუფლება შეუსრულებელ სამუშაოებზე თვალს სწორედ ამ ფაქტის გამო ხუჭავს.
გზების დეპარტამენტმა, როგორ ჩანს, არ იცოდა, რომ ზამთარი დადგებოდა, რადგან საერთოდ მოუმზადებელი შეხვდა. იმის მიუხედავად, რომ 25 ზონად არის საქართველო დაყოფილი და 25 ხელშეკრულება არსებობდა და ამ ხელშეკრულებების ღირებულება ჯამში არის 127 მილიონი ლარი და ეს 127 მილინო ლარი უნდა მოხმარებულიყო გზების გაწმენდას და ეს უნდა ყოფილიყო ძალიან ოპერატიულად, მაგრამ გამომდინარე იქიდან, რომ ამ კომპანიებში არიან ისეთი ადამიანები, რომლებიც “ქართული ოცნების” შემომწირველები არიან, უბრალოდ ვერ სთხოვენ და არ სთხოვენ, რომ უფრო სწრაფად იმუშაონ, – ამბობს კორუფციის მვკლევარი ბესიკ დონაძე.
კიდევ ერთი მიზეზი, რის გამოც გზებზე გადაადგილება შეფერხებულია და მათი გაწმენდა დროულად არ ხდება, მსოფლიო ბაზარზე გაზრდილი ფასებია. 2019 წელს აღნიშულ კომპანიებთან ხელშკრულებები კონკრეტულ თანხაზე გაფორმდა, თუმცა მას შემდეგ ფასები მსოფლიო ბაზარზე გაიზარდა და გაძვირებული მასალების პირობებში კომპანიებს ოპერირება უჭირთ.
გზების გაწმენდაში პასუხისმგებელი კომპანიების წარმომადგენლები ღიად აცხადებენ, რომ “ქართული ოცნების” მხარდამჭერები არიან. მათ თქმით, აღნიშნული კომპანიების არსებობა პირდაპირ იმ მთავრობასა და პარტიაზეა დამოკიდებული, რომელიც კონკრეტულ დროს იქნება ხელისუფლებაში.
კომენტარები