“შეაჩერე კორუფციას” დამფუძნებელი, ქეთევან ენუქიძე უკრაინაში დაღუპული ქართველი მებრძოლის, მიშა ყაფლანიშვილის შესახებ ემოციურ პოსტს აქვეყნებს:
„მიშა
მიშა კაპლანი
მიშა ყაფლანიშვილი არაჩვეულებრივი ადამიანი იყო…
10-იანზე აწყობილი ცხოვრება დატოვა გერმანიაში…
არაფერი რომ არ ჰქონდა სადარდებელი, ისეთი…
2019-ში გავიცანი და სულ იყო ჩემს გულში…
სულ თბილად და ნათლად იყო…
ხანდახან ორი-სამი წინადადებაც საკმარისია, ადამიანი შენიანად რომ იქცეს და ასე იქცა მიშა ჩემიანად…
ჯერ იქიდან რამდენ ადამიანს ეხმარებოდა…
მერე ჩამოვიდა…
ერთი წელიც არ ყოფილა საქართველოში და, რომ ვუყურებ, როგორ ჰყვარებია ყველას…
რას დაეხეტები ამ კარვებში-მეთქი, ვეჩხუბებოდი…
ძალიან მაბრაზებდა მისი დაუდევარი დამოკიდებულება საკუთარი თავის მიმართ…
იცინოდა ხოლმე…
იოტისოდენი ანგარება, ბოროტება, ღვარძლი არ ჰქონია…
არც იცოდა, ეს ყველაფერი რა იყო…
ბავშვივით ალალი და სუფთა იყო…
უკრაინაშიაო, რომ გავიგე, ელდა მეცა…
მაინც მეგონა, ვერაფერი ავნებდა ამ ვერცხლისწყალივით ბიჭს…
ჩემი პატარა ძმა იყო…
უმცროსი კი არა, პატარა…
და რა სწორად უცხოვრია, გმირების და კაცების გადასახედიდან…
ჩვეულებრივი ადამიანები რომ ვერ გაიგებენ, იმ გადასახედიდან…
ეხლაც რომ არ მესმის, იმ გადასახედიდან…
ხანდახან რა შეუმჩნეველ, ერთი შეხედვით, უბრალო ადამიანში აღმოჩნდება ხოლმე ეს უცნაური ენერგია, სიკეთისათვის ბრძოლის ხარბი სურვილი…
რამდენი რამის სიმბოლოდ იქცა ჩემთვის თავისი ცხოვრებით და სიკვდილით…
ჩემი მეგობარი მიშა…
დაუვიწყარი, მარადიული მეგობარი…
თავისი წილი გული რომ მომგლიჯა…“
კომენტარები