ზურაბიშვილის გეგმა – “გამარჯვება არ მოვა არც არჩევნებში მონაწილეობით, არც ბოიკოტით, არც შიმშილობით”

საქართველოს მეხუთე პრეზიდენტმა, სალომე ზურაბიშვილმა, აქციას მიმართა და თქვა:

უნდათ გაუთავებლად მთხოვონ რაღაც არარსებული გეგმა და გეგმა არის ერთობა და გეგმა იქნება ხვალ, ზეგ – ერთობა, სანამ არ მივაღწევთ შედეგს. შედეგი არის ის, რომ ქართულ ოცნებაში დაიწყო ჩამოშლა, ერთმანეთის ჭამა, სრული უნდობლობა ერთმანეთის, ვიღაცის ჩამოშორება, კორუფციაზე თემის ამოწევა, კიდევ რომ ვიღაცეები ჩამოიშორონ, სრულიად გაუგებარი მათთის მდგომაეობაა, მაგრამ ეს არის ჩვენთვის გასაგებია – ეს არის კლასიკური დიქტატორული რეჟიმების ბოლო ეტაპი და ეს არის თქვენი გამარჯვება.

რაც უფრო იშლებიან, სუსტდებიან, ამიტომ სჭირდებათ გამოაჩინონ ვითომ რაღაც ძლა – ახალი რეპრესიული კანონები, ჯარიმები, და პატიმრებები, ეს ხომ მხოლოდ მოჩვენებითია, ამითი ძალას ვერ იბრუნებენ, ვეღარ დაიბრუნებენ ვერასოდეს. ერთადერთი რაც დარჩენიათ – არიან სრულ იზოლაციაში, დანარჩენი მსოფლიოსგან, არავინ მათ აღარ ხვდება და უნდა შექმნათ რაღაც… იტალიაში საკონსულოს გახსნის მსგავსი, რომ აჩვენონ მსოფლიოს რაღაც კავშირები გააჩნიათ – არა, აღარანაირი. აგერ ევროკავშირის წარმომადგენელი ჩავიდა სომხეთში, აზერბაიჯანში, არც გამოუხედია ამათკენ – ეს არის ამათი სისუსტე, დაშლა, ჩამოშლა.

ეს უნდა დავინახოთ კარგად, რომ ჩვენში არ ჩაიბუდოს იმედგაცრუებამ, რომელიც მათგან წამოსულია, თუ თავად ვერ ძლიერდებიან, უნდათ ჩვენ დაგვასუსტონ, ლიდერები ჩამოგვაშორეს, ცდილობენ პარტიები დააპირისპირონ.

ახლა ცდილობენ ჩემს დისკრედიტაციას, ესეც არ გამოუვათ. თუკი ვიქნებით ჩვენ ყველანი ერთად.

პასუხი ყველაფერზე არის ერთობა, ერთობა გამარჯვებაა, გამარჯვება არ მოვა არც არჩევნებში მონაწილეობით, არც ბოიკოტით, არც შიმშილობით, ერთადერთი ბრძოლა ერთობის ბრძოლაა. ყველა ერთად რომ დავდგებით და წინააღმდეგობა იქნება ერთიანი და ვერავინ შეიტანს უთანხმოებას.

გასაგებია, სხვადასხვა აზრები უნდა არსებობდეს, უნდა იყოს დისკუსია, მე ნუ მეკითხებით პოზიციას შემოგდებულ თემებზე – ჩემი პოზიცია ერთია, სადაც ერთობაა, იქ ვარ მე და არსად სხვაგან

თუ მეკითხებით, მე რა ამბიცია მაქვს, მე მაქვს ერთადერთი ამბიცია მაქვს, ერთობით ეს ქვეყანა გადავარჩინოთ. ხვალ ვიქნები იქ, სადაც იქნება ყველასი ერთობა. მე სხვა სიტყვა არ ვიცი და მგონია, ყველას ერთად კარგად გვესმის ერთმანეთის, არ უნდა მივცეთ საშუალება, თავიანთი სისუსტე და დაშლა, ჩვენი შიდა დაპირისპირებებით გადაფარონ.

ვერ შეძლბენ, თუ ვიქნებით ერთად და კიდევ გავძლებთ ის დრო, რაც გვაშორებს საბოლოო გამარჯვებიდან. 

მადლობა თქვენ.